རྒྱལ་ཡོངས་ཀྱི་ས་གནས་ཁག་གིས་ཀྲུང་དབྱང་དཔལ་འབྱོར་ལས་ཀའི་གྲོས་ཚོགས་ཀྱི་སྙིང་དོན་ལ་དོ་སྣང་ཆེན་པོ་བྱས།

   རྒྱལ་ཡོངས་ཀྱི་ས་གནས་ཁག་གིས་ཀྲུང་དབྱང་དཔལ་འབྱོར་ལས་ཀའི་གྲོས་ཚོགས་ཀྱི་སྙིང་དོན་ལ་དོ་སྣང་ཆེན་པོ་བྱས་ཤིང་། རྒྱ་ཆེའི་ལས་བྱེད་མང་ཚོགས་ཀྱིས། ད་ལོར་བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གིས་ལོ་ངོ་བརྒྱའི་རིང་འཕྲད་དཀའ་བའི་འགྱུར་ལྡོག་ཆེན་པོ་དང་འཛམ་གླིང་ལ་མཆེད་པའི་རིམས་ནད་ལ་ཁ་གཏད་འཇལ་བ་མ་ཟད། ཏང་ཡོངས་དང་རྒྱལ་ཡོངས་མི་རིགས་ཁག་གི་མི་དམངས་མཐུན་སྒྲིལ་དང་སྣེ་ཁྲིད་དེ་སྟོབས་ཤུགས་གཅིག་ཏུ་བསྡུ་བ་དང་དཀའ་སྤྱད་འབད་བརྩོན་བྱས་ཏེ། བཅོས་བསྒྱུར་འཕེལ་རྒྱས་ཀྱི་ལས་འགན་ལྕི་མོ་འགྲུབ་གང་ཐུབ་བྱས་པ་རེད། རྗེས་ཕྱོགས་བྱ་སྤྱོད་དངོས་ལ་བརྟེན་ནས་ཏང་ཀྲུང་དབྱང་གི་འཐབ་ཇུས་བཀོད་སྒྲིག་ལག་བསྟར་དོན་འཁྱོལ་བྱེད་པ་དང་། གྲུབ་འབྲས་གཡུར་དུ་ཟ་བའི་ཐོག་ནས་ཏང་གི་ཚོགས་ཆེན་ཉི་ཤུ་པ་རྒྱལ་ཁའི་ངང་འཚོག་པར་བསུ་མ་ཞུ་དགོས་ཞེས་བཤད་པ་རེད།

   གྲོས་ཚོགས་ཐོག ད་ལོ་ནི་ཏང་དང་རྒྱལ་ཁབ་ཀྱི་ལོ་རྒྱུས་ཐོག་ལམ་ཚད་རྡོ་རིང་ལྟ་བུའི་དོན་སྙིང་ལྡན་པའི་ལོ་ཞིག་རེད་ལ། ལོ་འདི་ལོ་རྒྱུས་ཀྱི་དེབ་ཐེར་ནང་འགོད་ངེས་རེད། ལོ་ངོ་གཅིག་གི་རིང་ལ་རང་རྒྱལ་དཔལ་འབྱོར་འཕེལ་རྒྱས་དང་རིམས་ནད་འགོག་བཅོས་ཐད་ནས་འཛམ་གླིང་ཡོངས་ཀྱི་མདུན་གྲལ་དུ་གནས་ཡོད་ཅིང་། རྒྱལ་ཁབ་ཀྱི་འཐབ་ཇུས་ཚན་རྩལ་སྟོབས་ཤུགས་མགྱོགས་མྱུར་དུ་རྒྱ་བསྐྱེད་གཏོང་བ་དང་། ཐོན་ལས་མ་ལག་གི་དཀའ་ངལ་ལ་ཁ་གཏད་འཇལ་བའི་ནུས་པ་ཇེ་མཐོར་སོང་། བཅོས་བསྒྱུར་སྒོ་འབྱེད་རྒྱ་ཇེ་ཆེ་དང་གཏིང་ཇེ་ཟབ་ཏུ་ཕྱིན། དམངས་འཚོའི་འགན་སྲུང་ནུས་ལྡན་ཐུབ། སྐྱེ་ཁམས་དཔལ་ཡོན་འཛུགས་སྐྱོང་ལ་མུ་མཐུད་ནས་སྐུལ་འདེད་གཏོང་ཡོད། འཕེལ་རྒྱས་ཀྱི་བཀོད་པ་གསར་པར་གོམ་པ་གསར་པ་སྤོས་པ་དང་། སྤུས་ཚད་མཐོ་བའི་འཕེལ་རྒྱས་ཐད་ཕན་འབྲས་གསར་པ་ཐོབ་ཡོད་ཅེས་བསྟན།

   པེ་ཅིན་གྲོང་ཁྱེར་ཏཱ་ཞིན་ཆུས་ཀྱི་ཏང་ཨུའི་ཧྲུའུ་ཅི་ཝང་ཡིའུ་ཀོ་ཡིས། བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གིས་ལངས་ཕྱོགས་བརྟན་པོ་དང་མ་འོངས་ལ་ཁ་ཕྱོགས་ནས། ང་ཚོར་དཔལ་འབྱོར་འཕེལ་རྒྱས་ཐད་ཡིད་ཆེས་ཀྱིས་ཁེངས་བཅུག་ཡོད། ཏཱ་ཞིན་ནི་རྒྱལ་སའི་ཕྱི་ཕྱོགས་སྒོ་འབྱེད་ཀྱི་མདུན་གྲལ་དུ་སླེབས་ཡོད་ཅིང་། འཕེལ་རྒྱས་ཀྱི་བཀོད་པ་གསར་པ་འཛུགས་སྐྱོང་བྱེད་པའི་ཁྲོད། ཏཱ་ཞིན་ཆུས་ཀྱིས་ཚེ་སྲོག་བདེ་ཐང་དང་བར་སྣང་གི་ཐོན་ལས། སྔོན་ཐོན་བཟོ་སྐྲུན་བཅས་དུང་ཕྱུར་སྟོང་རིམ་པའི་ཐོན་ལས་ཚོགས་པ་གསུམ་འཕེལ་རྒྱས་བཏང་ནས། རྒྱལ་སའི་རྒྱལ་སྤྱིའི་འགྲོ་འོང་ལྟེ་གནས་གསར་པ་ཞིག་ཏུ་འཛུགས་དགོས་ཞེས་བཤད། ཐེན་ཅིན་གྲོང་ཁྱེར་བཟོ་ལས་དང་ཆ་འཕྲིན་ཅན་ཅུས་ཀྱི་ཅུས་ཀྲང་གཞོན་པ་རེན་ཧུང་ཡོན་གྱིས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པའི་མཛུབ་སྟོན་འོག ང་ཚོས་འབད་པ་ལྷོད་མེད་བྱས་ནས། ཐོན་ལས་མ་ལག་གི་སྤུས་མཐོའི་འཕེལ་རྒྱས་ཀྱི་ཁ་ཕྱོགས་གཙོ་བོ་བྱས་ཏེ། ཐོན་ལས་མ་ལག་མི་འདྲ་བའི་ཁྱད་ཆོས་ལ་དམིགས་ནས། ཆེད་དུ་ལས་ཀའི་འཆར་འགོད་གཏན་འབེབས་བྱེད་པ། ཁྱབ་ཁོངས་བརྒལ་བ་དང་ལས་རིགས་བརྒལ་བ། ཕན་ཚུན་མཐུན་སྦྱོར། གོང་འོག་མཉམ་འབྲེལ་བཅས་ཀྱི་དོན་འཁྱོལ་ནང་རྐྱེན་ཆགས་ནས། ང་ཚོའི་དཔལ་འབྱོར་འཕེལ་རྒྱས་བརྟན་ཐོག་ཡར་བརྩོན་ཡོང་བ་བྱེད་དགོས་ཞེས་བཤད།

   གྲོས་ཚོགས་ཐོག སང་ལོའི་དཔལ་འབྱོར་ལས་ཀ་བརྟན་པོ་ཡོང་བ་གཙོ་བོ་དང་། བརྟན་ཐོག་ཡར་བརྩོན་ཡིན་དགོས། ཕྱོགས་སོ་སོས་དཔལ་འབྱོར་བརྟན་བརླིང་ལ་ཕན་པའི་སྲིད་ཇུས་བཏོན་གང་ཐུབ་བྱེད་དགོས། ཆེད་ལས་དང་རྩེ་གྲལ། ཁྱད་ཆོས། གསར་གཏོད་བཅས་ཀྱི་ཁེ་ལས་མང་པོ་བྱུང་བར་སྐུལ་སློང་བྱེད་དགོས། ཉེ་ཆར། ཀྲེང་ཅང་ཞིང་ཆེན་གྱིས་དངུལ་རྩ་ལས་ཁུངས་གྱིས་དངུལ་རྩ་སྲིད་ཇུས་མང་པོ་བཏོན་ནས། ཆེད་དུ་ཞིང་ཆེན་ཡོངས་ཀྱི་ཆེད་ལས་དང་རྩེ་གྲལ། ཁྱད་ཆོས། གསར་གཏོད་བཅས་ཀྱི་ཁེ་ལས་དང་གསོ་སྐྱོང་རིགས་ཀྱི་ཁེ་ལས་འཕེལ་རྒྱས་གཏོང་བར་རྒྱབ་སྐྱོར་བྱེད་དགོས་པའི་བླང་བྱ་བཏོན།

   ཀྲུང་གོའི་ཞིང་ལས་དངུལ་ཁང་ཀྲེང་ཅང་ཞིང་ཆེན་ཡན་ལག་དངུལ་ཁང་གི་འགོ་འཛིན་ཧྥུང་ཅན་ལུང་གིས། ཀྲུང་དབྱང་དཔལ་འབྱོར་ལས་ཀའི་གྲོས་ཚོགས་ཀྱིས་ང་ཚོས་ངོས་འཛིན་གཅིག་མཐུན་གཅིག་བསྡུས་དང་ཡིད་ཆེས་ཇེ་བརྟན། དོན་གཉེར་དམ་འཛིན་བཅས་བྱས་ནས། སང་ལོའི་ལས་ཀ་ཡག་པོ་སྒྲུབ་པར་ཕུགས་ཡུན་གྱི་དོན་སྙིང་གལ་ཆེན་ལྡན། ང་ཚོས་དངོས་གཉེར་དཔལ་འབྱོར་གྱི་དངུལ་རྩ་མཁོ་འདོན་ཇེ་ཆེར་བཏང་ནས། དཔལ་འབྱོར་བརྟན་པོ་ཡོང་བའི་རྨང་གཞི་ཇེ་བརྟན་གཏོང་བ། གསོ་སྐྱོང་ཐིག་པོ་ལ་གཙིགས་ཆེན་བྱས་ཏེ། དཔལ་འབྱོར་འཕེལ་རྒྱས་ཡོང་བའི་སྒུལ་ཤུགས་སྣོན་དགོས། ཁེ་ལས་ཆུང་ཕྲན་ཆེད་ལས་དང་རྩེ་གྲལ། ཁྱད་ཆོས། གསར་གཏོད་བཅས་ཀྱི་ཕྱོགས་སུ་འཕེལ་རྒྱས་གཏོང་བར་གསོ་སྐྱོང་གཟིགས་སྐྱོང་བྱེད་པ། ཚན་རྩལ་ཐད་འགག་རྩའི་གནད་དོན་ཐག་གཅོད་པའི་བྱེད་ཐབས་གལ་ཆེན་ལ་རམ་འདེགས་བྱེད་ཡིན་ཞེས་བཤད།

   གྲོས་ཚོགས་ཐོག བཅོས་བསྒྱུར་སྒོ་འབྱེད་ཀྱི་སྲིད་ཇུས་ཐད་འཕེལ་རྒྱས་ཀྱི་སྒུལ་ཤུགས་སྐུལ་སློང་བྱེད་དགོས། ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་རྒྱ་བསྐྱེད་བཏང་ནས། ལམ་ལུགས་ཅན་གྱི་སྒོ་འབྱེད་ཡོང་བ་བྱེད་དགོས། མིག་སྔར། ཀོང་ཏུང་དང་ཞང་ཀང་། ཨོ་མོན་མཚོ་ཁུག་ཆེན་མོའི་མཉམ་ལས་སྟེགས་བུ་གལ་ཆེན་འཛུགས་པར་གྲུབ་འབྲས་གསར་པ་ཐོབ་ཡོད། ས་ཁོངས་བརྒལ་བའི་རྒྱུ་ཆ་འཁོར་རྒྱུག་སྟབས་བདེ་དང་ནུས་མཐོ་ཡིན་པ། སྔར་བས་སྒོ་འབྱེད་ཀྱི་རྒྱལ་སྤྱིའི་མཚོ་ཁུག་རྩེ་གྲས་རིམ་བཞིན་ཆགས་དགོས་པའི་བླང་བྱ་བཏོན་པ་རེད།

   ཀོང་ཏུང་ཞིང་ཆེན་གྱིས་ཀོང་ཏུང་དང་ཞང་ཀང་ཨའོ་མེན་མཚོ་ཁུག་ཆེན་མོའི་འཛུགས་སྐྲུན་འགོ་ཁྲིད་ཚོ་ཆུང་གཞུང་ལས་ཁང་གི་འགོ་འཛིན་ཀྲེན་རེན་ཧའོ་ཡིས། ང་ཚོས་ཀྲུང་དབྱང་དཔལ་འབྱོར་ལས་ཀའི་གྲོས་ཚོགས་ཀྱི་སྙིང་དོན་སློབ་སྦྱོང་དོན་འཁྱོལ་ནན་ཏན་བྱེད་པ་དང་། ཀོང་ཏུང་གི་བཅོས་སྒྱུར་སྒོ་འབྱེད་སྔོན་ལ་ལག་བསྟར་ཚོད་ལྟ་བྱས་པའི་ཁྱད་ནུས་འདོན་སྤེལ། ཀོང་ཏུང་དང་ཞང་ཀང་ཨའོ་མེན་མཚོ་ཁུག་ཆེན་མོའི་འཛུགས་སྐྲུན་ཟབ་སྤེལ་བྱས་ཏེ། ང་ཚོའི་དངོས་ཟོག་སྐྱེལ་འདྲེན་དང་དངུལ་རྩ། ཚན་རྩལ། འཇོན་མི་སོགས་ཕྱོགས་མང་པོའི་ཐད་བདེ་བླག་འཁོར་རྒྱུག་བྱེད་ཐུབ་པ་བྱས་ནས། ཀོང་ཏུང་དང་ཞང་ཀང་ཨའོ་མེན་མཚོ་ཁུག་ཆེན་མོ་དེ་ང་ཚོའི་རྒྱལ་ཁབ་ཀྱིས་སྒོ་འབྱེད་རང་བཞིན་གྱི་དཔལ་འབྱོར་གྱི་སྒྲིག་གཞི་གསར་པ་འཛུགས་སྐྱོང་བྱེད་པའི་གསར་གཏོད་ལྟེ་གནས་ཞིག་དང་སྔོན་ལ་ལག་ལེན་བྱེད་གནས་དང་དཔེ་སྟོན་བྱེད་གནས་ཞིག་ཏུ་འགྱུར་འཇུག་དགོས་ཞེས་བཤད་པ་རེད།

   གྲོང་གསེབ་དར་རྒྱས་ནི་ཀྲུང་ཧྭ་མི་རིགས་རླབས་ཆེན་བསྐྱར་དར་མངོན་འགྱུར་བྱེད་པའི་ལས་འགན་གལ་ཆེན་ཞིག་རེད། གྲོས་ཚོགས་ཐོག་ཁྱོན་ཡོངས་ནས་གྲོང་གསེབ་དར་རྒྱས་བཏང་ནས།  གྲོང་ཁྱེར་དང་གྲོང་རྡལ་ཅན་གསར་པ་འཛུགས་སྐྲུན་བྱེད་པའི་ཆུ་ཚད་མཐོར་འདེགས་གཏོང་དགོས། ཉིན་འདི་དག་རིང་།  ཐ་ཁེ་ལཱ་མཱ་ཀན་བྱེ་ཐང་ལྷོ་རྒྱུད་ཀྱི་ཞིན་ཅང་ཆེ་མོ་རྫོང་དུ། ས་ཞིང་མུའུ་འབུམ་གཅིག་ཁྲི་གསུམ་ཡོད་པའི་ཁ་སུར་དམར་པོ་བསྡུ་ལེན་བྱས་ཚར་ནས། བདམས་གསེས་ལས་སྣོན་བྱེད་བཞིན་པའི་སྒང་ཡིན། ཁ་སུར་དམར་པོའི་ཐོན་ལས་ལ་བརྟེན་ནས། ད་ལོར། སྔོན་དཔག་བྱས་ན་ས་གནས་དེ་གའི་ཁ་སུར་འདེགས་འཛུགས་ཞིང་པ་རྣམས་ལ་མི་རེར་ཆ་སྙོམས་སྒོར་བཞི་སྟོང་ལྷག་གི་ཡོང་འབབ་མཐོར་འདེགས་བྱས་ཡོད་པ་རེད།

   ཞིན་ཅང་པ་དབྱིན་ཁོ་ལིན་སོག་རིགས་རང་སྐྱོང་ཁུལ་ཆེ་མོ་རྫོང་ཏང་ཨུའི་ཧྲུའུ་ཅི་ཞུས་ཁའེ་ཡིས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཁྱད་པར་དུ་ང་ཚོ་གྲངས་ཉུང་མི་རིགས་ས་ཁུལ་གྱི་མང་ཚོགས་ཐུགས་ལ་བཟུང་ཡོད། ཏང་གི་ཐུགས་ཁུར་འོག སྨན་བཅོས་དང་སློབ་གསོ། སྤྱི་ཚོགས་ཉེན་མེད་འགན་སྲུང་སོགས་དམངས་འཚོའི་འགན་སྲུང་བྱེད་ཐབས་སོ་སོ་ནུས་གོ་ཆོད་པའི་སྒོ་ནས་སྤེལ་བཞིན་ཡོད། ང་ཚོ་མི་རིགས་སོ་སོའི་མི་དམངས་མང་ཚོགས་ཚང་མ་ནི་བདེན་དཔང་བྱེད་མཁན་དང་ཁེ་ཕན་རག་མཁན་ཡིན། ང་ཚོས་མི་སེར་གྱི་ཐོན་ལས་དང་ལས་ཞུགས་ཟུང་དུ་སྦྲེལ་བའི་ཡོང་འབབ་སྒྲིག་གཞི་བརྟན་པོ་བྱས་ཏེ། མི་རིགས་སོ་སོའི་སྣེ་ཁྲིད་ནས་མང་ཚོགས་ཀྱིས་མཉམ་དུ་འབྱོར་ཕྱུག་ཐུབ་པའི་ལམ་བུའི་ཐོག་དཀའ་སྤྱད་སྡུག་རུས་ཀྱིས་སྤོབས་པ་ཆེན་པོས་མདུན་དུ་བསྐྱོད་དགོས་ཞེས་བཤད་པ་རེད།

   སྤོབས་པ་ཆེན་པོས་མདུན་བསྐྱོད་འབད་བརྩོན་བྱེད། རྒྱ་ཆེ་བའི་ལས་བྱེད་མང་ཚོགས་ཀྱིས། བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གི་འགོ་ཁྲིད་དང་། ཏང་ཡོངས་དང་རྒྱལ་ཡོངས་མི་དམངས་ཀྱི་མཐུན་སྒྲིལ་འབད་བརྩོན་གྱིས། ཀྲུང་གོའི་དཔལ་འབྱོར་ནི་ངེས་པར་དུ་སྤུས་ཚད་མཐོན་པོའི་འཕེལ་རྒྱས་ཀྱི་ཁ་ཕྱོགས་སུ་མདུན་བསྐྱོད་བྱས་ཏེ་ངོ་མཚར་གྱི་ལོ་རྒྱུས་གསར་པ་བསྐྲུན་ངེས་ཡིན་ཞེས་བཤད་པ་རེད། ཧེ་ལུང་ཅང་ཞིང་ཆེན་བཟོ་ལས་དང་ཆ་འཕྲིན་ཅན་ཐིང་གི་ཆ་འཕྲིན་ཅན་དང་མཉེན་ཆས་ཞབས་ཞུ་ལས་རིགས་ཁྲུའུ་ཡི་ཁྲུའུ་ཀྲང་ཡུའེ་ཞིན་གྱིས། ཀྲུང་དབྱང་དཔལ་འབྱོར་ལས་དོན་ཚོགས་འདུ་ཡིས་ང་ཚོས་དཔལ་འབྱོར་འཕེལ་རྒྱས་སྤུས་དག་གཏོང་བར་ཁ་ཕྱོགས་གསལ་པོ་བསྟན་ཡོད། ང་ཚོས་བརྟན་ཐོག་ཡར་བརྩོན་གྱི་ལས་ཀའི་སྤྱིའི་འཕེལ་ཕྱོགས་རྒྱུན་འཁྱོངས་དང་། ཨང་ཀི་ཅན་བཟོ་བཅོས་ཇེ་མགྱོགས། སྲོལ་རྒྱུན་ཐོན་ལས་རིམ་སྤར་ལ་མུ་མཐུད་དུ་འཕེལ་ཤུགས་ཆེན་པོ་འདོན་རྒྱུ་ཡིན། བཟོ་སྐྲུན་ལས་རིགས་ཨང་ཀི་ཅན་གྱི་ལུགས་སྒྱུར་བྱ་སྤྱོད་འཆར་གཞི་དང་ཁེ་ལས་ཆུང་འབྲིང་ཨང་ཀི་ཅན་གྱི་བྱ་སྤྱོད་འཆར་གཞི་གཏན་འབེབས་བྱས་ཏེ་ཨང་ཀིའི་དཔལ་འབྱོར་གྱིས་འཕེལ་རྒྱས་སྤུས་དག་གཏོང་རྒྱུ་ཡིན་ཞེས་བཤད།

   ཧོ་ནན་ཞིང་ཆེན་ཚན་རིག་གླིང་གི་འགོ་འཛིན་གཞོན་པ་སུང་ཁེ་ཞིང་གིས། ང་ཚོས་བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གི་མཐའ་འཁོར་མཐུན་སྒྲིལ་དེ་ལས་དམ་པོ་དང་། ཀྲུང་དབྱང་དཔལ་འབྱོར་ལས་ཀའི་གྲོས་ཚོགས་ཀྱི་སྙིང་དོན་དོན་འཁྱོལ་ནན་མོ་བསྟར་རྒྱུ་ཡིན། སྤྱི་ཁོག་གི་འཕེལ་ཤུགས་འདོན་སྤེལ་དང་མཐོ་རིམ་འཇོན་མི་ནང་འདྲེན། འཁོར་ཡུན་ཡོངས་དང་སྦྲེལ་ཐག་ཡོངས། གོ་རིམ་ཡོངས་སྒོ་འབྱེད་ཅན་གྱི་གསར་གཏོད་སྟེགས་བུ་འཛུགས་རྒྱུ་ཡིན་ཞེས་བཤད།

   ཁྲུང་ཆིང་གྲོང་ཁྱེར་འཕེལ་རྒྱས་དང་བཅོས་སྒྱུར་ཨུ་ལྷན་གྱི་ཀྲུའུ་རེན་གཞོན་པ་ཀྲུའུ་ཅང་གིས། ཀྲུང་དབྱང་དཔལ་འབྱོར་ལས་ཀའི་གྲོས་ཚོགས་ཐོག ང་ཚོ་ལ་འཕེལ་རྒྱས་ཀྱི་དུས་རིམ་གསར་པ་ལ་ངོས་འཛིན་ཡང་དག་དང་དམ་འཛིན་བྱེད་པའི་རིག་གཞུང་གལ་ཆེན་དང་ལག་ལེན་གནད་དོན་ཀྱི་ཁ་ཕྱོགས་གསལ་པོ་བསྟན་ཡོད་ལ་བསྲུང་བྱ་མཁོ་འདོན་བྱས་ཡོད། ང་ཚོས་བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གི་མཐའ་འཁོར་མཐུན་སྒྲིལ་དམ་པོར་བྱས་ཏེ། བརྟན་པོ་གཙོ་བོ་དང་བརྟན་ཐོག་ཡར་བརྩོན་གྱི་བླངས་བྱ་ལྟར། གསར་གཏོད་ལ་བརྟེན་ནས་འཕེལ་རྒྱས་ཀྱི་གོམ་སྟོབས་ཇེ་མགྱོགས་གཏོང་ཞིང་། སྟོབས་ཤུགས་དེ་ལས་ཆེན་པོས་ཁྲེང་ཏུའུ་དང་ཁྲུང་ཆིང་ས་ཁུལ་གྲོང་ཁྱེར་གཉིས་ཀྱི་དཔལ་འབྱོར་སྤེལ་ཁུལ་འཛུགས་སྐྲུན་བྱས་ནས། གཡུར་དུ་ཟ་བའི་གྲུབ་འབྲས་ཀྱིས་ཏང་གི་ཚོགས་ཆེན་ཉི་ཤུ་རྒྱལ་ཁའི་ངང་འཚོག་པར་བསུ་མ་བྱེད་རྒྱུ་ཡིན་ཟེར།