ཀྲུའུ་ཞི་ཞི་ཅིན་ཕིང་གིས་༢༠༢༣ལོའི་འཛམ་གླིང་འབྲེལ་དྲྭ་ཚོགས་ཆེན་ཝུའུ་ཀྲེང་རྩེ་འཛོམས་གྲོས་ཚོགས་ཀྱི་འགོ་ཚུགས་མཛད་སྒོར་ཕུལ་བའི་གཟུགས་ལམ་ཤིས་ཚིག་ལ་ཀུན་གྱི་ངོས་འཛིན་གཅིག་མཐུན་བྱུང་།

 ཟླ་བ་བཅུ་གཅིག་པའི་ཚེས་བརྒྱད་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་༢༠༢༣ལོའི་འཛམ་གླིང་འབྲེལ་དྲྭ་ཚོགས་ཆེན་ཝུའུ་ཀྲེང་རྩེ་འཛོམས་གྲོས་ཚོགས་ཀྱི་འགོ་ཚུགས་མཛད་སྒོའི་ཐོག་གཟུགས་ལམ་ནས་ཤིས་ཚིག་ཕུལ་ཏེ། འཕེལ་རྒྱས་དང་ཐོག་འཛིན་རྒྱུ་དང་བདེ་ཉེན་མཉམ་ཁུར། དཔལ་ཡོན་མིག་ལྟོས་བྱེད་དགོས་པའི་འབོད་སྐུལ་གནང་ཞིང་། སྔར་བས་ཡོངས་ཕན་དར་རྒྱས་དང་ཞི་བས་བདེ་འཇགས། འདྲ་མཉམ་གུ་ཡངས་བཅས་ཀྱི་འབྲེལ་དྲྭ་ཁྱབ་ཁོངས་འཛུགས་སྐྱོང་བྱེད་དགོས་ཞེས་བཏོན་ཡོད། ཚོགས་ཞུགས་རྒྱལ་ཁབ་སོ་སོའི་མི་སྣས་ཀྲུའུ་ཞི་ཞི་ཅིན་ཕིང་གི་ཤིས་ཚིག་ལ་ངོས་འཛིན་གཅིག་མཐུན་བྱུང་ཞིང་སྟོབས་ཤུགས་གཅིག་ཏུ་བསྡུམས་པས། ཕྱོགས་སོ་སོས་ཁ་གླེང་མོ་དང་སྤེལ་རེས་ཇེ་དྲག་དང་དོན་གཉེར་མཉམ་ལས་ཇེ་ཟབ་བཏང་ནས། དཔུང་པ་མཉམ་གཤིབས་བྱས་ནས་དྲྭ་འབྲེལ་བར་མཐོངས་ལས་དབང་གཅིག་པའི་ཐུན་མོང་ཚོགས་པ་མཉམ་འཛུགས་བྱེད་དགོས་ཞེས་བཤད། ཀྲུའུ་ཞི་ཞི་ཅིན་ཕིང་གིས་ཤིས་ཚིག་ནང་། དེང་གི་འཛམ་གླིང་ཟང་ཟིང་ཆེ་ཞིང་ལོ་ངོ་བརྒྱའི་འཕོ་འགྱུར་ཇེ་མགྱོགས་ཕྱིན། ཇི་ལྟར་འཕེལ་རྒྱས་སྐོར་གྱི་མཚལ་ཡིག་ཐག་གཅོད་དང་བདེ་འཇགས་ཀྱི་དཀའ་ཁག་སེལ་བ། དཔལ་ཡོན་མིག་ལྟོས་ཇེ་ཆེར་གཏོང་བཅས་ཅི་ལྟར་བྱེད་ཚུལ་དེ་དག་ནི་ང་ཚོས་མཉམ་དུ་མདུན་མར་བླང་དགོས་པའི་དུས་རབས་ཀྱི་གནད་དོན་རེད། ང་ཚོས་འཕེལ་རྒྱས་ཐོག་དང་པོར་བཟུང་ཞིང་། ཀུན་ལ་ཕན་ཞིང་དར་རྒྱས་འགྲོ་བའི་འབྲེལ་དྲྭའི་ཁྱབ་ཁོངས་འཛུགས་སྐྱོང་ཡང་དག་བྱེད་པ་དང་འབྲེལ་དྲྭ་འཕེལ་རྒྱས་ཁྲོད་དམངས་འཚོ་འགན་སྲུང་དང་ལེགས་བཅོས་བཏང་ནས། རྒྱལ་ཁབ་དང་མི་དམངས་སྔར་བས་མང་པོས་འབྲེལ་དྲྭ་འཕེལ་རྒྱས་ཀྱི་གྲུབ་འབྲས་མཉམ་སྤྱོད་བྱེད་འཇུག་དགོས་ཞེས་གསུངས། ཀ་ནའི་ཁོ་ཝང་གི་ལས་འཛིན་ལྷན་ཚོགས་ཀྱི་འགོ་འཛིན་ཉི་་ཁུའེ་ནོ་ཡིས། ཀྲུའུ་ཞི་ཞི་ཅིན་ཕིང་གིས་བཏོན་པའི་འབྲེལ་དྲྭའི་བར་མཐོངས་ལས་དབང་གཅིག་པའི་ཐུན་མོང་ཚོགས་པའི་འདུ་ཤེས་མཉམ་དུ་འཛུགས་སྐྱོང་བྱེད་པ་དེ་ངས་བསམ་ན་ཧ་ཅང་ཡག་པོ་རེད། དེར་བརྟེན་གནད་དོན་གསར་པ་དང་འགྲན་སློང་གསར་པ་འཕྲད་དུས། ང་ཚོས་མཉམ་དུ་ཁ་གཏད་འཇལ་དགོས་ལ།  མཉམ་དུ་བཅོས་བསྙེགས་བྱ་དགོས། ངས་བལྟས་ན་ཀྲུའུ་ཞི་ཞི་ལགས་ཀྱིས་བརྒྱུད་སྒྲོག་བྱས་པའི་ལྟ་བ་འདིས་ང་ཚོ་ལ་སྐུལ་མ་བཏང་ཡོད། ལྷག་པར་ཏུ་འཕེལ་རྒྱས་འགྲོ་བཞིན་པའི་རྒྱལ་ཁབ་ཀྱིས་མིའི་རིགས་ཀྱིས་རེ་འདོད་དང་མཐུན་པའི་ཞི་བདེ་དང་བདེ་འཇགས་ལྡན་པའི་ འབྲེལ་དྲྭའི་ཁོར་ཡུག་ཅིག་འཛུགས་སྐྱོང་བྱས་ནས་ཕན་ཚུན་ཀུན་ལ་ཕན་པར་བྱེད་དགོས་ཞེས་བཤད།   ཡ་གླིང་དང་ཞི་བདེ་རྒྱ་མཚོ་ཆེན་མོའི་འབྲེལ་དྲྭའི་ཆ་འཕྲིན་ལྟེ་གནས་ཀྱི་འཐབ་ཇུས་ལྟེ་གནས་ཀྲུའུ་རེན་དབྱི་ནུའོ་ཧོ་ས་ཡིས། སྐབས་གཉིས་པའི་འཛམ་གླིང་འབྲེལ་དྲྭ་ཚོགས་ཆེན་ཐོག ཀྲུའུ་ཞི་ཞི་ཅིན་ཕིང་གིས་འཛམ་གླིང་འབྲེལ་དྲྭ་འཕེལ་རྒྱས་བཅོས་སྐྱོང་ཐད་རྩ་དོན་བཞི་དང་བསམ་ཕྱོགས་ལྔ་བཏོན་ཞིང་། དྲ་བའི་བར་མཐོངས་ལས་དབང་གཅིག་པའི་ཐུན་མོང་ཚོགས་པ་འཛུགས་པའི་གྲོས་འགོ་བཏོན། ང་ཚོས་སྔ་ལས་ཞི་བས་བདེ་འཇགས་ཀྱི་དྲ་བའི་བར་མཐོངས་སུ་རྒྱལ་སྤྱི་མཉམ་ལས་བྱེད་དུས། གྲོས་འགོ་འདི་ནི་ནུས་པ་ལྡན་པའི་འགན་སྲུང་ཞིག་རེད་ཟེར། 

  ཀྲུང་གོའི་བཟོ་བཀོད་གླིང་གི་ཡོན་ཧྲི། ཀྲུང་ཀོན་གྲོང་ཚོད་ལྟ་ཁང་གི་ཀྲུའུ་རེན་ཝུའུ་ཅེན་ཕིང་གིས། ཀྲུའུ་ཞི་ཞི་ཅིན་ཕིང་གིས་སྔ་ལས་ཀུན་ཕན་འབྱོར་ཕྱུག་ལྡན་པའི་དྲྭ་བའི་ཁོར་ཡུག་བསྐྲུན་དགོས་པ་ནན་གསུངས་གནང་ཡོད་པས། ང་ཚོས་རབས་རྗེས་མའི་འབྲེལ་དྲྭའི་སྲོག་ཤིང་ལག་རྩལ་གསར་གཏོད་དང་འཕེལ་རྒྱས་གཏོང་བ་དང་། དྲྭ་བའི་ཁོར་ཡུག་འཕེལ་རྒྱས་གཏོང་བའི་རྨང་གཞི་འདིང་བ། འཛམ་གླིང་རབས་རྗེས་མའི་འབྲེལ་དྲྭ་རྒྱལ་སྤྱིའི་མཉམ་ལས་ཇེ་དྲག་གཏོང་བ། ཨང་ཀིའི་ཧེ་བག་ཇེ་ཆུང་གཏོང་བ།འབྲེལ་དྲྭ་འཕེལ་རྒྱས་གཏོང་རིམ་དུ་དམངས་འཚོ་འགན་སྲུང་དང་ལེགས་བཅོས་བཏང་ནས། རྒྱལ་ཁབ་དང་མི་དམངས་དེ་བས་མང་པོ་ལ་འབྲེལ་དྲྭ་འཕེལ་རྒྱས་འགྲོ་བའི་གྲུབ་འབྲས་ལོངས་སུ་སྤྱོད་འཇུག་དགོས་ཞེས་བཤད།

  ཀྲུའུ་ཞི་ཞི་ཅིན་ཕིང་གི་ཤིས་ཚིག་ནང་དུ་བདེ་ཉེན་མཉམ་གནས་དང་། སྔ་ལས་ཞི་བས་བདེ་འཇགས་ཀྱི་དྲྭ་བའི་ཁོར་ཡུག་འཛུགས་དགོས་པའི་གྲོས་འགོ་བཏོན་ཡོད། དྲྭ་བའི་བདག་དབང་བརྩི་བཀུར་དང་། རྒྱལ་ཁབ་སོ་སོའི་འབྲེལ་དྲྭའི་འཕེལ་རྒྱས་ལམ་བུ་དང་བཅོས་སྐྱོང་བྱེད་ཐབས་ལ་བརྩི་བཀུར། དྲྭ་བའི་བར་མཐོངས་རྒྱལ་སྤྱིའི་སྒྲིག་སྲོལ་སྲུང་བ་དང་དྲྭ་བའི་བཙན་དབང་བྱེད་མི་ཉན་ལ། དྲྭ་བའི་བདེ་འཇགས་དོན་གཉེར་མཉམ་ལས་ཟབ་སྤེལ་བཏང་ནས་གཞི་གྲངས་བདེ་འཇགས་དང་སྒེར་གྱི་ཆ་འཕྲིན་སྲུང་སྐྱོང་བཟོ་དགོས་ཞེས་བཤད།

  ཀྲུང་གོའི་གློག་རྡུལ་ཆ་འཕྲིན་ཐོན་ལས་ཚོགས་པའི་ཚད་ཡོད་སྤྱི་གཉེར་ཁང་གི་སྤྱི་གཉེར་ལི་ལི་ཀུང་གིས། དྲྭ་བའི་བདེ་འཇགས ་ནི་དྲྭ་བའི་བར་མཐོངས་ལས་དབང་གཅིག་པའི་ཐུན་མོང་ཚོགས་པ་འཛུགས་པའི་འགན་སྲུང་གལ་ཆེན་ཡིན་པས། ང་ཚོས་འཛམ་གླིང་དྲྭ་བའི་བདེ་འཇགས་སྒྲིག་སྲོལ་གཏན་འབེབས་དང་རྒྱལ་སྤྱིའི་མཉམ་ལས་ནང་ཞུགས་ཧུར་ཐག་བྱེད་པ་དང་། དྲྭ་བའི་བདེ་འཇགས་ཀྱི་ཐོན་རྫས་ལག་རྩལ་གསར་གཏོད་ཇེ་དྲག་བཏང་ནས་དྲྭ་བའི་ཁོར་ཡུག་སྔ་ལས་བདེ་འཇགས་དང་འཆམ་མཐུན། ཀུན་ཕན་དར་རྒྱས་གཏོང་དགོས་ཞེས་བཤད།

  འཛམ་གླིང་སྤོ་འཕྲིན་བརྡ་འཕྲིན་མ་ལག་མཐུན་ཚོགས་ཀྱི་དབུ་བཞུགས་ལག་བསྟར་དཔོན་པོ་ཧུང་ཡའོ་ཀྲོང་གིས།  ཀྲུའུ་ཞི་ཞི་ལགས་ཀྱིས་ང་ཚོས་ལ་དམིགས་འབེན་བཏོན་ཏེ། ཁོང་གིས་འཛམ་གླིང་ཧྲིལ་པོས་མཉམ་ལས་བྱེད་དགོས་པའི་འབོད་སྐུལ་གནང་བ་དེ། ངས་བལྟས་ན་ ཁོང་གིས་གསུངས་པའི་ཆ་འཕྲིན་གལ་ཆེན་ཞིག་བསམ་འདུག དེར་བརྟེན་ང་ཚོས་དྲྭ་བའི་བདེ་འཇགས་དང་དྲྭ་བའི་བདག་དབང་བརྩི་བཀུར་བྱེད་དགོས། ང་ཚོས་རྒྱལ་ཁབ་ཚང་མའི་དབང་ཆར་བརྩི་བཀུར་བཟོ་དགོས་པར་མ་ཟད་མཉམ་ལས་བྱེད་དགོས་ལ། གླེང་མོལ་དང་སྤེལ་རེས་མཉམ་ལས་བྱེད་པ་ནི་འཛམ་གླིང་གི་གནད་དོན་མང་པོ་ཐག་གཅོདཔའི་རྨང་གཞི་ཡིན་གཤིས། ང་ཚོས་ཀྲུའུ་ཞི་ཞི་ཡི་དགོངས་པ་གོ་ཡོད་པས་དགའ་པོ་བྱུང་ལ། ང་ཚོས་ལྟ་བ་འདི་ལ་འདོད་མོས་ཆེན་པོ་ཡོད་ཅེས་བཤད། ཀྲུའུ་ཞི་ཞི་ཅིན་ཕིང་གི་ཤིས་ཚིག་ནང་དུ་ཤེས་དཔལ་ཕན་ཚུན་མིག་ལྟོས་བྱེད་པ་དང་། སྔར་ལས་འདྲ་མཉམ་ཞིང་གུ་ཡངས་པའི་དྲྭ་རྒྱའི་ཁོར་ཡུག་འཛུགས་པའི་སྐུལ་མ་གནང་ཡོད། དྲྭ་ལམ་གྱི་སྤེལ་རེས་དང་གླེང་མོལ་ཐད་ཤུགས་རྒྱག་པ་དང་།  རྒྱལ་ཁབ་ཁག་གི་མི་དམངས་ཕན་ཚུན་རྒྱུས་ལོན་དང་བརྩེ་བ་ཇེ་ཟབ་གཏོང་བ་དང་། ཤེས་དཔལ་མི་འདྲ་བའི་བར་གུ་ཡངས་མཉམ་གནས་ཡོང་བར་སྐུལ་འདེད་བྱེད་པ། མི་རིགས་ཡོངས་ཀྱི་ཐུན་མོང་གི་རིན་ཐང་ལྟ་བ་སྔར་ལས་དར་སྤེལ་དང་། ཧུར་ཐག་གིས་ཤེས་དཔལ་རྒྱུན་འཛིན་དང་འཕེལ་རྒྱས་བཏང་ནས། མཉམ་གཅིག་ཏུ་དྲྭ་ལམ་གྱི་བསམ་པའི་ཁྱིམ་གཞིས་འཛུགས་དགོས་ཞེས་གསུངས་ཡོད།

  ཀྲུང་གོའི་ཕྱི་ཡིག་ཅུས་ཕྱི་ཡིག་དཔེ་སྐྲུན་ཁང་གི་མཚན་འཛིན་དབྱིན་ཡིག་རྩོམ་སྒྲིག་པ་གཙོ་བོ་ཏྭ་ཝེ་ཧྥོ་ཀེ་སིན་གྱིས། ཀྲུའུ་ཞི་ཞི་ཅིན་ཕིང་གིས་ཁ་སང་གི་ཤིས་ཚིག་ནང་དཔལ་ཡོན་ཕན་ཚུན་མིག་ལྟོས་དང་། རིག་གནས་སྤེལ་རེས་ཇེ་དྲག་བཏང་སྟེ། མིའི་རིགས་ཀྱི་དཔལ་ཡོན་འཕེལ་རྒྱས་གོམ་སྟབས་ཁྲོད་ཀྲུང་གོའི་བློ་གྲོས་དང་ཀྲུང་གོའི་སྟོབས་ཤུགས་འདོན་དགོས་ཞེས་གསུངས་ཡོད། ཀྲུང་གོའི་དཔལ་ཡོན་མིག་ལྟོས་དང་སྤེལ་རེས་ཐད་མཉམ་རྒྱལ་ཡོང་རྒྱུ་དམིགས་སུ་འཛིན་ཞིང་། རྒྱལ་ཁབ་གཞན་པ་རྣམས་སྣེ་ཁྲིད་དེ་མཉམ་དུ་འཕེལ་རྒྱས་གཏོང་བ་དང་ཚང་མ་ལ་འཕེལ་རྒྱས་ཀྱི་གྲུབ་འབྲས་མཉམ་སྤྱོད་བྱེད་བཅུག་པ་རེད་ཅེས་བཤད།

ཐུན་ཞུན་སྤྱི་གཉེར་ཁང་གི་སྤྱི་འདོམས་གཞོན་པ་ཀྲང་ལི་ཅུན་གྱིས། འབྲེལ་དྲྭ་རྨང་གཞིར་བྱས་པའི་ཚན་རྩལ་དང་རིག་གནས་ཟུང་འབྲེལ་གྱི་ཁེ་ལས་ཞིག་ཡིན་པའི་ཆ་ནས། ང་ཚོས་ཀྲུང་གོ་དང་ཕྱི་རྒྱལ་གྱི་ཨང་ཀིའི་ཕོ་ཉ་ཡག་པོ་བྱས་ཏེ། ཨང་ཀིའི་ལག་རྩལ་ལ་བརྟེན་ནས་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ཀྱི་གསར་གཏོད་རང་བཞིན་དུ་འགྱུར་བ་དང་གསར་གཏོད་རང་བཞིན་འཕེལ་རྒྱས་བཏང་ནས། འཛམ་གླིང་ཡོངས་ལ་ཀྲུང་གོའི་ཁྱད་ཆོས་ལྡན་པ་དང་ཀྲུང་གོའི་སྙིང་སྟོབས་མཚོན་པ། ཀྲུང་གོའི་བློ་གྲོས་འདུས་པའི་ཕུལ་བྱུང་རིག་གནས་མང་པོ་མཚམས་སྦྱོར་བྱ་རྒྱུ་ཡིན་ཞེས་བཤད།

  ཏུན་ཧོང་ཞིབ་འཇུག་གླིང་གི་འགོ་འཛིན་སུའུ་པོ་མིང་གིས། ཀྲུའུ་ཞི་ཞི་ཅིན་ཕིང་གིས། ང་ཚོ་ལ་མིའི་རིགས་ཀྱི་ཕུལ་བྱུང་དཔལ་ཡོན་གྱི་གྲུབ་འབྲས་ཕྱིར་མངོན་པ་དང་། དཔལ་ཡོན་རྒྱུན་འཛིན་འཕེལ་གསུམ་སྐུལ་སྤེལ་ཧུར་ཐག་བྱེད་དགོས། དེའི་འཕྲོར་ང་ཚོས་ཏུན་ཧོང་གི་ཕུལ་བྱུང་རིག་གནས་དང་འབྲེལ་དྲྭའི་ལག་རྩལ་ཟུང་འབྲེལ་བྱས་ཏེ། ཏུན་ཧོང་གི་རིག་གནས་ཕྱི་རུ་ཁྱབ་གདལ་དང་རྒྱལ་སྤྱིའི་གར་སྟེགས་སུ་དར་སྤེལ་གཏོང་རྒྱུ་ཡིན་ཞེས་བཤད།

  ཀྲེ་ཅང་ཞིང་ཆེན་ཆ་འཕྲིན་ཅན་འཕེལ་རྒྱས་ཞིབ་འཇུག་གླིང་གི་དབུ་བཞུགས་ཆེད་མཁས་པ་ཁྲིན་ཁྲོའུ་ཡུང་གིས། ང་ཚོས་ཨང་ཀིའི་ཚན་རྩལ་གསར་གཏོད་ལ་བརྟེན་ནས་རིག་གནས་ཐོན་རྫས་སྤུས་ལེགས་ཐོན་སྐྱེད་དང་བརྒྱུད་བསྒྲགས་བྱས་ཏེ། ཀྲུང་ཧྭའི་ཕུལ་བྱུང་ཤེས་རིག་གྲུབ་འབྲས་སྔར་ལས་སྔོག་འདོན་དང་དར་སྤེལ་གཏོང་བ་ཆབས་ཅིག འཛམ་གླིང་གི་རྒྱལ་ཁབ་ཁག་གི་ཤེས་དཔལ་གྲུབ་འབྲས་སྔར་ལས་བརྩོན་ལེན་བྱས་ཏེ། མཉམ་དུ་ཨང་ཀིའི་དཔལ་ཡོན་གྱིས་མིའི་རིགས་ཀྱི་བདེ་སྐྱིད་འཚོ་བའི་ཁོར་ཡུག་དང་མ་འོངས་གསར་གཏོད་ལ་སྣེ་ཁྲིད་བྱེད་པར་སྐུལ་འདེད་བྱེད་དགོས་ཞེས་བཤད།