ལོ་ལྔ་ཚན་གྱི་འཆར་གཞི་ཨང་བཅོ་ལྔ་པ་འགོ་ཡག་མོ་རྩོམ།

  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ལོ་ལྔ་ཚན་གྱི་འཆར་གཞི་ཨང་བཅོ་ལྔ་པའི་སྐབས་སུ། ངེས་པར་དུ་ས་གནས་ཁྱད་ཆོས་དང་བསྟུན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་བ་དེ་སྔ་ལས་འབུར་ཐོན་གྱི་འཐབ་ཇུས་གོ་གནས་ཐོག་འཇོག་དགོས་ཞེས་གསུངས། ལོ་ལྔའི་འཆར་གཞི་ཨང་བཅོ་ལྔ་པ་འགོ་རྩོམ་པའི་ལོ་ལ། ས་གནས་ཁག་གིས་ཏང་ཀྲུང་དབྱང་གི་འཐབ་ཇུས་བཀོད་སྒྲིག་སྔ་ལས་ལག་བསྟར་དོན་འཁྱོལ་ནན་མོ་དང་། རང་ཉིད་ཀྱི་ཐོན་ཁུངས་ལེགས་ཆ་ལ་བསྟུན་པ། ཁྱད་ལྡན་ལེགས་ཆ་འདོན་པ། སྒུལ་ནུས་གསར་པ་གཅིག་བསྡུས་དང་། ཐོན་ལས་གསར་པ་དར་རྒྱས་གཏོང་བ། སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་མགྱོགས་པོར་བཏང་ནས། དཔལ་འབྱོར་སྤུས་མཐོའི་འཕེལ་རྒྱས་གཏོང་བར་སྒུལ་ནུས་གསར་པ་འདོན་བཞིན་ཡོད།

  མིས་བཟོས་རིག་ནུས་རབས་གསར་པ་ནི་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་བའི་སྒུལ་ནུས་གལ་ཆེན་ཡིན། ལོ་གསར་པ་ཚེས་པ་དང་བསྟུན་ནས། ཧྲང་ཧའེ་ཡིས་མིས་བཟོས་རིག་ནུས་བེད་སྤྱོད་ལྗོངས་རྣམས་ལྔ་བཅུ་སྔོན་ནས་ཁྱབ་བསྒྲགས་བྱས་ཤིང་། ལག་རྩལ་དེ་དངོས་ཡོད་ཐོན་སྐྱེད་ནུས་ཤུགས་སུ་མགྱོགས་པོར་བསྒྱུར། ན་ནིང་གི་ཟླ་བ་བཞི་པར་སྤྱི་ཁྱབ་ཧྲུའུ་ཅི་ཞི་ཅིན་ཕིང་ཧྲང་ཧའེ་ཡི་ལད་བཟོ་བར་སྟོང་མ་དཔེ་ཆེན་པོའི་གསར་གཏོད་སྐྱེ་ཁམས་འདུས་ཁུལ་དུ་རྟོག་ཞིབ་ཕེབས་ནས། ཧྲང་ཧའེ་གྲོང་ཁྱེར་མིས་བཟོས་རིག་ནུས་ཐོན་ལས་འཕེལ་རྒྱས་གནས་ཚུལ་ལ་རྒྱུས་ལོན་མཛད། སྤྱི་ཁྱབ་ཧྲུའུ་ཅི་ཡིས་མིས་བཟོས་རིག་ནུས་ལག་རྩལ་རིམ་སྤར་རབས་བརྗེ་མགྱོགས་པོར་བྱས་ནས་འཕེལ་རྒྱས་ཆེན་པོ་བྱུང་ཡོད་ཅེས་གསུངས། ཁོང་གིས་ཧྲང་ཧའེ་ཡིས་འཚོལ་ཞིབ་ཇེ་དྲག་བཏང་ནས་མིས་བཟོས་རིག་ནུས་འཕེལ་རྒྱས་དང་བཅོས་སྐྱོང་སོགས་ཕྱོགས་སོ་སོ་མདུན་གྲལ་དུ་སླེབས་པར་བརྩོན་ལེན་བྱ་དགོས་པའི་བླངས་བྱ་བཏོན་པ་རེད།  སྤྱི་ཁྱབ་ཧྲུའུ་ཅི་ཡི་བླང་བྱ་ལག་བསྟར་བྱེད་པར། ལོ་གསར་པའི་ནང་ཧྲང་ཧའེ་ཡིས་རང་ཉིད་མ་དཔེ་ཆེན་པོའི་ཞིབ་འཇུག་གསར་གཏོད་གཅིག་བསྡུས་དང་། རྩིས་ཤུགས་རྨང་གཞི་སྒྲིག་ཆས་སྔོན་ཐོན། འཇོན་མི་རྩེ་གྲས་གཅིག་བསྡུས། གྲོང་ཁྱེར་ཆེན་པོའི་བེད་སྤྱོད་ལྗོངས་རྣམ་ཕུམ་སུམ་ཚོགས་པོ་སོགས་ཀྱི་ཁྱད་ལྡན་ལེགས་ཆ་ལ་དམིགས་ནས། མིས་བཟོས་རིག་ནུས་ཐོན་ལས་འཕེལ་རྒྱས་མགྱོགས་པོར་གཏོང་བ་དང་། མིས་བཟོས་རིག་ནུས་དང་བཟོ་སྐྲུན་ཆེད་དོན་བྱ་སྤྱོན་ཁྱོན་ཡོངས་ནས་ལག་བསྟར་བྱེད་དེ། ༢༠༢༨ལོ་ཤར་དུས་ཁེ་ལས་ཀྱི་རིག་ནུས་བཟོ་གྲྭ་ཆེན་པོར་ཁྱོན་ཡོངས་ནས་ཁེབས་ཐུབ་པར་བྱེད་བཞིན་ཡོད།

  ༢༠༢༣ལོ་ནས་བཟུང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ས་གནས་མང་པོར་རྟོག་ཞིབ་གནང་དུས་དང་། བྱེད་སྒོ་གལ་ཆེན་མང་པོའི་ཐོག སྤུས་གསར་ཐོན་སྐྱེད་ནུས་ཤུགས་ཀྱི་ནང་དོན་ཕུན་སུམ་ཚོགས་པ་དང་། ས་གནས་ཁྱད་ཆོས་དང་བསྟུན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་བའི་ལས་འགན་གལ་ཆེན་གསལ་པོ་བཏོན་པར་མ་ཟད་འགྲེལ་བཤད་ཐེངས་མང་གནང་སྟེ། སྤྱི་ཁྱབ་ཧྲུའུ་ཅི་ཡིས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་ནི་སྤུས་མཐོའི་འཕེལ་རྒྱས་ལ་སྐུལ་བའི་ནང་མཁོའི་བླང་བྱ་དང་ཤུགས་ཕུད་ས་གཙོ་བོ་རེད་ཅེས་གསུངས། ཁོང་གིས་ས་གནས་ཁག་གིས་རང་ཉིད་ཀྱི་དོན་དངོས་ནས་འགོ་ཚུགས་པ་དང་། ཐོག་འཛུགས་རྗེས་གཏོར། ཡུལ་བབ་དང་བསྟུན་པ། རིགས་བགར་མཛུབ་སྟོན་དང་། ས་གནས་རང་གི་ཐོན་ཁུངས་ལེགས་ཆ་དང་། ཐོན་ལས་རྨང་གཞི། ཚན་ཞིབ་ཆ་རྐྱེན་སོགས་ལ་གཞིགས་ནས། གདམ་གསེས་ཡོད་པའི་སྒོ་ནས་ཐོན་ལས་གསར་པ་དང་། རྣམ་པ་གསར་པ། སྒུལ་ནུས་གསར་པ་འཕེལ་རྒྱས་སྐུལ་སྤེལ་བྱེད་དགོས་ཞེས་གསུངས་པ་རེད། སྤྱི་ཁྱབ་ཧྲུའུ་ཅི་ཡིས་སྟོན་པའི་ཁ་ཕྱོགས་ལྟར། ལོ་ལྔའི་འཆར་གཞི་ཨང་བཅོ་ལྔ་པ་འགོ་ཚུགས་པའི་ལོར། ས་གནས་ཁག་གིས་ས་གནས་རང་གི་ལེགས་ཆ་འཚོལ་ཞིབ་དང་ས་གནས་རང་གི་ཁྱད་ཆོས་མངོན་པར་བྱས་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་བཞིན་ཡོད།

  ཡུལ་བབ་དང་བསྟུན་ནས་ཐོན་ཁུངས་ལེགས་ཆ་བེད་སྤྱོད་ཡག་པོར་བཏང་ནས། འཕེལ་རྒྱས་ཀྱི་སྒུལ་ནུས་གསར་པ་ལ་སྐུལ་དགོས། ཉིན་འདི་དག་རིང་། ཡུན་ནན་ཆུས་ཅིང་གི་ལི་གློག་རྫས་མོ་གློག་རྒྱུ་ཆ་ཕུང་གཅིག་ཅན་གྱི་ལས་གཞི་ཚོད་འཁོར་ལས་འགོ་བརྩམས་ཡོད། ས་གནས་དེ་གའི་ལིས་དང་ལིན་སོགས་གཏེར་རྫས་ཐོན་ཁུངས་ཕུན་སུམ་ཚོགས་པ་ལ་བརྟེན་ནས། ས་གནས་དེ་གས་ལས་སྣོན་ཞིབ་ཕྲའི་ཐོན་ལས་ནང་འདྲེན་བྱས་ནས། སྔོན་མའི་གཏེར་ཁ་སྔོག་འདོན་བྱས་ཏེ་བཙོང་པ་ནས་རྒྱུ་ཆ་དག་གློག་རྫས་ལས་པར་བསྒྱུར་ཡོད། ད་ལོར།  ཡུན་ནན་གྱིས་ཐོན་ཁུངས་རང་བཞིན་གྱི་ཐོན་ལས་སྤུས་མཐོ་དང་ལས་ཆོད་མཐོ་བའི་བྱ་སྤྱོད་ལག་བསྟར་ཟབ་མོ་བྱེད་པ་དང་། ཚན་རྩལ་གསར་གཏོད་ཀྱི་ནུས་སྤྲོད་དང་། སྲོལ་རྒྱུན་ཐོན་ལས་དེ་ལས་སྣོན་ཞིབ་མོ་དང་རིན་ཐང་མཆོང་བརྒལ་དུ་ལུགས་སྒྱུར་གཏང་རྒྱུ་རེད། ཉིང་ཞ་རུ། ཉིའུ་ཧྲོའུ་རི་བོའི་ཆུ་འཐེན་ནུས་གསོག་གློག་འདོན་ས་ཚུགས་ཁྱུ་ཚོགས་འཛུགས་སྐྲུན་ཇེ་མགྱོགས་བྱེད་བཞིན་ཡོད་པ་དང་།  མ་འོངས་པར་ནུབ་བྱང་ས་ཁུལ་གྱི་སྒྲིག་ཆས་གཞི་ཁྱོན་ཆེས་ཆེ་བའི་ཆུ་འཐེན་ནུས་གསོག་གི་གློག་འདོན་ས་ཚུགས་ཁྱུ་ཚོགས་ལ་འགྱུར་རྒྱུ་རེད།  རླུང་འོད་ཐོན་ཁུངས་ཕུན་སུམ་ཚོགས་པོའི་ལེགས་ཆ་ལ་རྐང་ཚུགས་ནས། ཉིང་ཞ་ཡིས་འབག་མེད་གློག་གི་སྤེལ་ཁུལ་དང་ནུས་ཁུངས་གསར་པའི་རྟེན་གཞི་འཛུགས་སྐྲུན་གལ་ཆེན་གཉིས་ལས་ནས་ནུས་ཁུངས་གསར་པའི་མཁོ་འདོན་གཞི་ཁྱོན་དང་བསྡུར་ཚད་ཇེ་མཐོར་གཏོང་བཞིན་ཡོད།

  ས་བབ་དང་བསྟུན་ནས་བཟོ་སྐྲུན་ལས་རིགས་ལུགས་བསྒྱུར་རིམ་སྤར་ལ་སྐུལ་ནས་འཕེལ་རྒྱས་ལེགས་ཆ་གསར་པ་བསྐྲུན་རྒྱུ་རེད།  ཧུའུ་ནན་གྱིས་ལས་གཞི་འཕྲུལ་ཆས་དང་། ལྕགས་ལམ་འགྲིམ་འགྲུལ་སོགས་རྒྱལ་ཁབ་སྔོན་ཐོན་བཟོ་སྐྲུན་ལས་རིགས་ཁྱུ་ཚོགས་ཀྱི་ལེགས་ཆ་ལ་བརྟེན་པ་དང་། ཐོན་ལས་གཙོ་བོའི་མ་ལག་སྤུས་མཐོའི་འཕེལ་རྒྱས་བྱ་སྤྱོད་རྒྱུན་མི་ཆད་དུ་སྤེལ། སྟོད་སྨད་ཁེ་ལས་འཛུགས་སྐྲུན་རིག་ནུས་བཟོ་གྲྭ་དང་གཉེན་ལྡན་འཁོར་ཁང་། རིག་ནུས་ལས་གནས་ལ་རྒྱབ་སྐྱོར་བྱས་ནས། གསར་དར་རྒྱབ་རྟེན་ཐོན་ལས་གསོ་སྐྱོང་དང་རྒྱ་སྐྱེད་པ་རེད།

  ས་བབ་དང་བསྟུན་ནས་སྲིད་ཇུས་ཀྱི་རྒྱབ་སྐྱོར་ཇེ་དྲག་དང་འཕེལ་རྒྱས་ཀྱི་གསོན་ཤུགས་བསྐྲུན། གནམ་ལོ་གསར་དུ་ཚེས་མ་ཐག  ཀྲེ་ཅང་གིས་ཁག་དང་པོའི་ཞིང་ཆེན་རིམ་པའི་ཚོད་ལྟའི་སྟེགས་བུ་བཅུ་གཅིག་གི་མིང་ཐོ་ཁྱབ་བསྒྲགས་བྱས་ནས། ཚན་རྩལ་གྲུབ་འབྲས་དེ་མགྱོགས་པོར་བེད་སྤྱོད་པར་ཤུགས་བཏོན་ཡོད། གསར་གཏོད་ཐོན་ཁུངས་གཅིག་བསྡུས་དང་ཐོན་ལས་མ་ལག་འཐུས་ཚང་སོགས་ཀྱི་དགེ་མཚན་ལ་བརྟེན་ནས། ད་ལོར་ཀྲེ་ཅང་གིས་སྲིད་ཇུས་ཀྱིས་སྣེ་ཁྲིད་དང་སྟེགས་བུས་རྒྱབ་སྐྱོར། དངུལ་རྩའི་འགན་སྲུང་། ཆེད་ལས་ཞབས་ཞུས་རོགས་འདེགས་བཅས་ཀྱི་བེད་སྤྱོད་མ་ལག་མགྱོགས་པོར་འཛུགས་སྐྱོང་བྱས་ནས། གསར་གཏོད་གྲུབ་འབྲས་སྔར་ལས་མང་པོ་ཚོད་ལྟ་ཁང་ནས་ཐོན་སྐྱེད་ཕྱོགས་སུ་བསྒྱུར་ཡོད།  ད་ལོར། ཨན་ཧུའེ་ཡིས་ཚན་རིག་སྒྲིག་ཆས་ཆེན་པོ་གཅིག་འདུས་དང་རྒྱལ་ཁབ་ཀྱི་འཐབ་ཇུས་ཚན་རྩལ་སྟོབས་ཤུགས་ཀྱི་རྨང་གཞི་བརྟན་པོར་གཞི་བྱས་ནས། གསར་གཏོད་མཉམ་འབྲེལ་ཚོགས་པ་བཙུགས་ཤིང་མ་འོངས་ཐོན་ལས་ཇེ་རྒྱས་ཇེ་ལེགས་ཡོང་བའི་ལས་གཞི་ལག་ལེན་བསྟར་བཞིན་ཡོད།