༢༠༢༡ལོར་ང་ཚོས་ལས་ཀ་བསྒྲུབས་རབས།

   གྲོང་གསེབ་དར་རྒྱས་གཏོང་བ་ནི་ཀྲུང་ཧྭ་མི་རིགས་རླབས་ཆེའི་བསྐྱར་དར་གྱི་ལས་འགན་གལ་ཆེན་ཞིག་རེད། ༢༠༢༡ལོར། བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གི་འགོ་ཁྲིད་བརྟན་པོའི་འོག ང་ཚོས་གྲོང་གསེབ་དར་རྒྱས་གཏོང་བ་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་གྲོང་གསེབ་དར་རྒྱས་གཏོང་བའི་ལམ་བུ་རྒྱ་ཇེ་ཆེར་བཏང་ནས། རྒྱ་ཆེའི་ཞིང་པ་ལ་ཐོབ་སྣང་དང་སྐྱིད་སྣང་། བདེ་སྣང་བཅས་སྔར་བས་ཆེན་པོ་སྟེར་ཡོད། ཚེས་ཉེར་བདུན་ཉིན༢༠༢༡ལོར་ང་ཚོས་ལས་ཀ་བསྒྲུབས་རབས་ཞེས་པའི་ལེ་ཚན་ནང་། ཀྲུང་ཧྭའི་ས་གཞི་ཆེན་མོའི་མཛེས་སྡུག་ལྡན་པའི་གྲོང་སྡེ་རེ་རེ་ལ་སོང་ནས། མི་རྣམས་ཀྱི་བདེ་སྐྱིད་ཀྱི་འཚོ་བ་གསར་པར་རྒྱུས་ལོན་བྱེད། 

   བོད་ལྗོངས་ཉིང་ཁྲི་གྲོང་ཁྱེར་ཀ་ལ་གྲོང་ཚོ་ནི་དཔྱིད་དུས་སུ་ཁམ་བུའི་མེ་ཏོག་རྣམ་པར་བཞད་པ་ལས་མཚན་སྙན་རྒྱས། གནས་དེ་རུ་སླེབས་དུས། ཁོད་ཡངས་ཤིང་གྲལ་སྒྲིག་པའི་གྲོང་ཚོའི་རྣམ་པ་དང་། མ་ལུས་ཀུན་འཛོམས་ཀྱི་འཚོ་བའི་སྒྲིག་ཆས། ཁྱད་ཆོས་ལྡན་པའི་བོད་ཁང་། མི་རྣམས་འཚོ་བ་སྐྱིད་པོ་དང་འཆམ་མཐུན་ཡིན་པ་མཐོང་ཐུབ། ལོ་སོ་བདུན་ལོན་པའི་ཟླ་བ་རྒྱལ་མཚན་གྱིས་ད་ལོར་སྐྱེལ་འདྲེན་ལས་ཀ་གཉེར་བ་དང་། ཁམ་བུའི་འདུ་ཚོགས་ཀྱི་བགོ་བཤའ། ཞིང་ས་བཤུག་བརྒྱུད། འདེབས་འཛུགས་གསོ་སྤེལ་སོགས་ལ་བརྟེན་ནས། འཚོ་བ་ཇེ་སྐྱིད་ནས་ཇེ་སྐྱིད་རེད། ད་ལོའི་ཟླ་བ་བདུན་པར། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཀ་ལ་གྲོང་ཚོརུ་ཕེབས་དུས། ཟླ་བ་རྒྱལ་མཚན་གྱིས་སྤྱི་ཁྱབ་ཧྲུའུ་ཅི་ཁྱིམ་དུ་སྣེ་ལེན་བྱས་པ་རེད།

   ཞི་ཅིན་ཕིང་གིས་ཁྱེད་ཚང་ལ་བལྟས་ན། ཁྱིམ་ཚང་སྐྱིད་པོ་ཡིན་པ་ཤེས་ཐུབ། རྗེས་མར་ད་ཡོད་ཀྱི་ལས་ཀ་སོ་སོ་ཡག་པོར་བསྒྲུབས་ནས། རྗེས་རབས་པ་སྔར་བས་གསོ་སྐྱོང་ཡག་པོ་བྱེད་དགོས་ཞེས་གསུངས་པ་རེད།

   ཟླ་བ་རྒྱལ་མཚན་གྱིས། སྤྱི་ཁྱབ་ཧྲུའུ་ཅིས་ང་ལ་བུ་རྒྱུད་གཉིས་གསོ་སྐྱོང་ཡག་པོ་བྱེད་པ་དང་། རང་གི་ལས་ཀ་ཡག་པོར་སྒྲུབ་དགོས་ཞེས་སྐུལ་མ་གནང་སོང་། ད་ལོར་ཡོང་སྒོ་ཕལ་ཆེར་འབུམ་གསུམ་ཁྲི་ལྔ་ཡོད་རྒྱུ་རེད་ཅེས་བཤད་པ་རེད། 

   སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀ་ལ་གྲོང་ཚོའི་སྐྱིད་པའི་འཚོ་བ་ནི་བོད་ལྗོངས་ཞི་བས་བཅིངས་འགྲོལ་བཏང་ནས་ལོ་བདུན་ཅུའི་རིང་གི་དཔལ་འབྱོར་དང་སྤྱི་ཚོགས་འཕེལ་རྒྱས་གྲུབ་འབྲས་ཀྱི་མཚོན་བྱེད་རེད།  ཁོང་གིས་ས་གནས་དེ་གར་མངག་བཅོལ་གནང་ནས། ཏང་ཀྲུང་དབྱང་གིས་བོད་ལྗོངས་འཕེལ་རྒྱས་སྲིད་ཇུས་ལག་བསྟར་ཡག་མོ་བྱེད་དེ་གྲོང་གསེབ་དར་རྒྱས་ཁྱོན་ཡོངས་ནས་བྱེད་ཅེས་གསུངས། 

   བོད་ལྗོངས་ཉིང་ཁྲི་བྲག་ཡིབ་ཆུས་སྤྲིན་པ་སྲིད་འཛིན་གྲོང་སྡེའི་ཏང་ཀྲི་པུའུ་ཡི་ཧྲུའུ་ཅི་སྤེན་པ་ཡིས་སྤྱི་ཁྱབ་ཧྲུའུ་ཅི་ཡི་མངག་བཅོལ་ང་ཚོས་རེ་རེ་བཞིན་དོན་འཁྱོལ་བྱེད་བཞིན་ཡོད། ང་ཚོ་ཀ་ལ་གྲོང་ཚོས་ཁམ་བུ་མེ་ཏོག་མཛེས་ཁུལ་གྱིས་གཙོ་བོ་བྱེད་ཅིང་། ལྗོངས་རྒྱུ་དང་སིལ་ཏོག་འཐུ་བའི་གླིང་། ཞིང་འབྲོག་མང་ཚོགས་སྐྱེལ་འདྲེན་རུ་ཁག་གིས་སྤུས་ལེགས་གནས་ཚང་ཕྱེས་ཡོད། ༢༠༢༡ལོར་ང་ཚོའི་མི་རེའི་ཆ་སྙོམས་བཀོལ་སྤྱོད་ཐུབ་པའི་ཡོང་སྒོ་སྒོར་ཁྲི་གསུམ་སྟོང་ལྔ་རེད། བརྒྱ་ཆའི་བཅུ་གཉིས་ཚེག་དགུ་འཕར། ལོ་མཇུག་ལ་ཀྲུང་གོའི་གྲོང་གསེབ་རེ་རེ་ལ་འགྲོ་དུས་ང་ཚོས་གྲོང་གསེབ་དར་རྒྱས་བཏང་ནས་མི་དམངས་ཀྱི་འཚོ་བར་བྱུང་བའི་འགྱུར་ལྡོག་ཆེན་པོ་ཚོར་བྱུང་ཞེས་བཤད།

   ཧྲའན་ཞི་ཞིང་ཆེན་སུའེ་ཏི་རྫོང་ཧའོ་ཅ་ཆའོ་གྲོང་སྡེ་ནི་ས་སེར་མཐོ་སྒང་དུ་ཆགས་ཡོད། ཏང་གི་ཚོགས་ཆེན་བཅོ་བརྒྱད་པ་ནས་བཟུང་ས་གནས་དེ་གས་ཁྱད་ལྡན་ཐོན་ལས་འཕེལ་རྒྱས་གཏོང་བ་དང་། ༢༠༢༠ལོར་མི་འབོར་ཚང་མ་དབུལ་ཕོངས་ལས་བྲལ། ད་ལོའི་ཟླ་བ་གཉིས་པར་དབུལ་ཕོངས་ལས་བྲལ་བའི་ཧའོ་ཅ་ཆའོ་གྲོང་སྡེ་ལ་པེ་ཅིན་དུ་རྒྱལ་ཡོངས་དབུལ་བྲལ་འགག་སྒྲོལ་གྱི་དཔེ་སྟོན་ཞེས་པའི་མཚན་སྙན་བཟང་པོ་ཐོབ།

   ཧྲའན་ཞི་ཡུས་ལིན་ཧྲུའེ་ཏི་རྫོང་ཧའེ་ཅ་ཆའོ་གྲོང་སྡེའི་ཏང་ཀྲི་པུའུ་ཧྲུའུ་ཅི་ལིའུ་ཀྲན་ཞི་ཡིས་ཉིན་དེ་ལ་ལོ་རྒྱུས་དོན་སྙིང་ཆེན་པོ་ལྡན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་འཛམ་གླིང་ཡོངས་ལ་ཀྲུང་གོ་དབུལ་བྲལ་ཐུབ་ཡོད་ཅེས་ཁྱབ་བསྒྲགས་གནང་། རླབས་ཆེན་གྱི་ལོ་རྒྱུས་དོན་སྙིང་ལྡན་པའི་གྲུབ་འབྲས་རེད་ཅེས་བཤད།

   འགོ་ཚུགས་ས་གསར་པའི་ཐོག་མུ་མཐུད་ནས་འབད་བརྩོན་བྱེད། ཧའོ་ཅ་ཆའོ་གྲོང་སྡེ་ཡིས་སིལ་ཏོག་དང་སྔོ་ཚལ་དྲོད་ཁང་ནང་རྨོ་འདེབས་ལས་རིགས་འཕེལ་རྒྱས་ཆེན་པོ་བཏང་། གྲོང་སྡེའི་ནང་ད་རུང་དཔེ་མཛོད་ཁང་ཞིག་ཡོད་པ་དང་། རོགས་རེས་ཕན་བདེ་གླིང་དང་། འཕྲོད་བསྟེན་ཁང་ཡང་ལུགས་བསྒྱུར་རིམ་སྤར་བྱས།

   ད་ལོའི་ཟླ་བ་དགུ་པར་སྤྱི་ཁྱབ་ཧྲུའུ་ཅི་ཞི་ཅིན་ཕིང་ཧའོ་ཅ་ཆའོ་གྲོང་སྡེར་ཕེབས་ནས་ཁོང་གིས་བརྩེ་བ་ཟབ་མོས་མི་སེར་ཚོར་འཚོ་བ་སྐྱིད་པོ་གཏོང་བཅུག་པ་ནི་ང་ཚོ་ཏང་གི་འགྱུར་བ་མེད་པའི་དམ་བཅའ་དང་འགན་འཁྲི་ཡིན། གུང་ཁྲན་ཏང་གིས་དོན་དག་འདི་ཡག་མོ་བསྒྲུབས་ནས་གྲུབ་འབྲས་ཡག་མོ་ཐོབ་བཅུག་ཡིན་ཞེས་གསུངས་པ་རེད།

  ཧོ་ཅ་ཆའོ་གྲོང་སྡེ་གྲོང་གསེབ་དར་རྒྱས་ཀྱི་མིག་དཔེར་བསྐྲུན་གང་ཐུབ་བྱེད་དགོས། རྗེས་མར། སུའེ་ཏེ་རྫོང་གིས་ཧོ་ཅ་ཆའོ་གྲོང་སྡེ་ལྟེ་བ་བྱེད་པ་དང་། ཉེ་འཁོར་གྱི་གྲོང་གསེབ་མང་པོ་སྐུལ་ཁྲིད་བྱས་ནས་ཡུལ་སྐོར་སྣེ་ལེན་ཁུལ་དང་གནས་ཚང་ཚོང་ལས་ཁུལ། གསར་བརྗེའི་སློབ་གསོ་རྟེན་གཞི་འཆར་འགོད་དང་འཛུགས་སྐྲུན་བྱས་ནས། ཐོན་ལས་དང་སྐྱེ་ཁམས། ཡུལ་སྲོལ་སོགས་ཀྱི་ཐད་ལས་གཞི་ཉི་ཤུ་ལྷག་གཙོ་བོ་ལག་བསྟར་བྱས་པ་རེད།

   སྐྱེ་ཁམས་བདེ་སྡོད་ཀྱི་མཛེས་སྡུག་ལྡན་པའི་གྲོང་གསེབ་འཛུགས་སྐྲུན་བྱས། ད་ལོར། ཞིན་ཅང་ཧོ་ཐེན་རྫོང་ཏའོ་ཞང་གྲོང་སྡེས་དམངས་སྲོལ་རིག་གནས་གྲོང་སྡེ་བསྐྲུན་ནས། དུད་ཁྱིམ་རེར་ཇུས་འགོད་རེ་དང་། ཁང་པ་རེར་ཁྱད་ཆོས་རེ་ལྡན་པར་བྱས་ནས། མཐུན་བསྒྲིལ་རོགས་རེས་ནས་ཐུན་མོང་ཕྱུག་འགྱུར། མི་རིགས་ཁག་གི་མང་ཚོགས་ཁུ་ཚུར་བཅངས་འདྲའི་མཐུན་བསྒྲིལ་དམ་པོ་བྱས་པ་རེད།

   མི་རིགས་བསྐྱར་དར་ཡོང་དགོས་ན་གྲོང་གསེབ་ངེས་པར་དུ་དར་རྒྱས་གཏོང་དགོས། ལོ་བརྒྱ་ཐམ་པ་གཉིས་པའི་འབད་བརྩོན་དམིགས་འབེན་གྱི་འཕེལ་རིམ་གསར་པའི་ནང་། གཞི་རྒྱ་ཆེ་བའི་ཀྲུང་གོའི་ས་གཞི་ཆེན་མོའི་ཐོག  ཐོན་ལས་དར་ཞིང་ཞིང་པ་ཕྱུག་པ། གྲོང་གསེབ་མཛེས་སྡུག་ལྡན་པའི་འཆར་འགོད་ལག་བསྟར་བྱས་དང་བྱེད་བཞིན་ཡོད།

   ༢༠༢༡ལོར། ཁྲེང་ཏུའུ་ནས་ཁུན་མིང་བར་གྱི་ལྕགས་ལམ་སླར་གསོ་དང་གཙང་པོའི་འགྲམ་རྒྱུད་ཀྱི་མྱུར་བགྲོད་གཞུང་ལམ། ལེ་ཧྲན་ནས་ཞིན་ཁྲང་བར་གྱི་མྱུར་བགྲོད་གཞུང་ལམ་སོགས་ལྕགས་ལམ་དང་མྱུར་བགྲོད་གཞུང་ལམ་སྔ་རྗེས་སུ་ལས། སི་ཁྲོན་ལིའང་ཧྲན་ལྟེ་གནས་ནས་ཕྱི་རོལ་བར་མགྱོགས་པོར་སླེབས་ཐུབ་པ་བྱས་ཡོད། ཕྱོགས་ཡོངས་ནས་འབྱོར་འབྲིང་སྤྱི་ཚོགས་སུ་སླེབས་པའི་ལིའང་ཧྲན་ཁུལ་གྱིས་རང་རྒྱལ་མི་རིགས་ས་ཁུལ་ཐུན་མོང་འབྱོར་ཕྱུག་གི་མིག་དཔེ་བསྐྲུན་བཞིན་ཡོད།

   ༢༠༢༡ལོར། མཚོ་སྔོན་མཚོ་བྱང་གི་མགོ་ལོག་གོང་མ་གྲོང་སྡེའི་མི་རིགས་ཁྱད་ལྡན་གྲོང་སྡེ་འཛུགས་སྐྲུན་དང་། ཨང་ཀི་གྲོང་སྡེ་མགྱོགས་མྱུར་འཛུགས་སྐྲུན་བྱས་ནས། ཞིང་དུད་ཚང་མས་སྐུད་མེད་དྲ་བ་སྤྱོད་ཐུབ་ཡོད།

   ༢༠༢༡ལོར། ཡུན་ནན་ཚང་ཡོན་གྱི་ཨ་ཝ་ཧྲན་སྡེ་བར་གཞུང་ལམ་ཤར་གཏོང་ཐུབ་པ་དང་ཁང་པ་གསར་པ་ལས་ཡོད། གྲོང་གསེབ་ཡུལ་སྐོར་འཕེལ་རྒྱས་དང་། ཡུལ་མི་སྤུན་ཟླ་ཚོས་དུས་རབས་གསར་པའི་ཨ་ཝ་མི་དམངས་ཀྱི་བདེ་སྐྱིད་འཚོ་བ་གཏོང་ཐུབ་ཡོད།