2021ལོའི་ནོ་པེལ་ལུས་ཁམས་རིག་པའམ་གསོ་རིག་བྱ་དགའ་ཡོངས་བསྒྲགས་བྱས།
| 2021-10-07 来源：ཀྲུང་གོའི་བོད་སྐད་རླུང་འཕྲིན་དྲ་བ། | 分享： |
ས་གནས་དེ་གའི་སྤྱི་ཟླ་10ཚེས་4ཉིན། སུའེ་ཏེན་གྱི་རྒྱལ་ས་སི་ཐོག་ཁོར་མོའི་ཁ་རོ་ལིན་གསོ་རིག་གླིང་དུ་ནོ་པེལ་བྱ་དགའི་ཨུ་ཡོན་ལྷན་ཚོགས་ཀྱི་སྤྱི་ཁྱབ་དྲུང་ཡིག་ཆེན་མོ་ཐོ་མ་སི་·ཕེར་མེན་གྱིས། སྤྱི་ལོ་2021ལོའི་ནོ་པེལ་ལུས་ཁམས་རིག་པའམ་གསོ་རིག་བྱ་དགའ་ཏེ་ཝེ་·ཀྲུའུ་ལེ་ཡེ་སི་དང་ཨ་ཏེང་·ཕ་ཐ་ཕུའུ་ཏེ་ཨན་གཉིས་ལ་སྤྲད་ནས། ཁོང་ཚོས་དྲོད་ཚད་དང་རེག་པ་ཚོར་བྱེད་དབང་རྩའི་མཇུག་སྣེ་གསར་རྙེད་ཐད་བཞག་པའི་བྱས་རྗེས་ལ་གཟེངས་བསྟོད་གནང་རྒྱུ་ཡིན་པ་དང་། བྱ་དགའ་ཐོབ་མཁན་གཉིས་ཀྱིས་སུའེ་ཏེན་གྱི་སྒོར་ཁྲི་1000ཡི་བྱ་དགའི་དངུལ་མཉམ་སྤྱོད་བྱ་རྒྱུ་ཡིན་པ་ཁྱབ་བསྒྲགས་བྱས་ཡོད།
ཏེ་ཝེ་·ཀྲུའུ་ལེ་ཡེ་སི（David Julius）ནི་ཨ་རིའི་ལུས་ཁམས་རིག་པ་བ་ཞིག་ཡིན། ཁོང་ནི་ཁ་ལི་ཧྥོར་ཉི་ཡ་སློབ་ཆེན་ཅུས་ཅིན་ཧྲན་ཡན་ལག་སློབ་གྲྭའི་དགེ་རྒན་ཆེན་མོ་བ་ཡིན་ཞིང་། དེ་སྔོན་ཧྲའོ་དབྱི་ཧྥུ་ཚེ་སྲོག་ཚན་རིག་དང་གསོ་རིག་གི་བྱ་དགའ་ཐོབ་མྱོང་ཡོད།
ཨ་ཏེང་·ཕ་ཐ་ཕུའུ་ཏེ་ཨན（Ardem Patapoutian）ནི་ཡ་མེ་ཉི་ཡའི་མི་ཡིན་ཞིང་། སྐྱེས་རྡུལ་སྐྱེ་དངོས་རིག་པ་བ་དང་དབང་རྩ་རིག་པ་བ་ཡིན། ཨ་རིའི་ཁ་ལི་ཧྥོར་ཉི་ཡ་མངའ་སྡེའི་ལ་ཧོར་ཡ་སི་ཁེ་ལི་ཕུའུ་སི་ཞིབ་འཇུག་ཁང་དུ་ཕྱག་ལས་གནང་གི་ཡོད།
