2022ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་དེ་ད་བར་བུད་མེད་འགྲན་བསྡུར་ནང་ཞུགས་ཚད་མཐོ་ཤོས་དང་། རྣམ་གྲངས་ནང་ཞུགས་མཁན་མང་ཤོས་ཀྱི་དགུན་དུས་ཨོ་རྩལ་འགྲན་ཚོགས་ཤིག་ཏུ་གྱུར་པ།
| 2022-02-17 来源：མི་དམངས་དྲ་བ། | 分享： |
ཟླ་2ཚེས་15ཉིན། 2022ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་དགུན་དུས་ཀྱི་རྣམ་གྲངས་གཉིས་ཀྱི་སྐྱེས་པའི་སྤྱི་ལེ་4×7.5ཡི་རྒྱུག་མཐུད་འགྲན་བསྡུར་རྒྱལ་ཁབ་ཀྱི་དགུན་དུས་རྣམ་གྲངས་གཉིས་ལྟེ་གནས་སུ་གཉེར་བ་དང་ནོར་ཝེ་རུ་ཁག་ལ་ཨང་དང་པོ་ཐོབ་ཅིང་། འདི་ནི་དེ་ཉིན་ཨང་དང་པོ་ཐོབ་མཁན་ནོར་ཝེའི་རུ་ཁག་གི་རུ་མིས་འགྲན་བསྡུར་ཚར་རྗེས་མཉམ་པར་རྒྱག་བཞིན་པ།
ཤིན་ཧྭ་གསར་འགྱུར་ཁང་པེ་ཅིང་ནས་ཉིན་གློག་འཕྲིན་འབྱོར་གསལ། ཚེས་14ཉིན་རྒྱལ་སྤྱིའི་ཨོ་ལིམ་ཕིག་ཨུ་ཡོན་ལྷན་ཁང་དང་པེ་ཅིང་དགུན་དུས་ཨོ་རྩལ་འགྲན་ཚོགས་སྒྲིག་འཛུགས་ཨུ་ལྷན་གྱི་འཆར་ཅན་ཡོངས་བསྒྲགས་ཚོགས་འདུའི་ཐོག པེ་ཅིང་དགུན་དུས་ཨོ་རྩལ་འགྲན་ཚོགས་ནི་ད་བར་བུད་མེད་འགྲན་བསྡུར་ནང་ཞུགས་ཚད་མཐོ་ཤོས་དང་རྣམ་གྲངས་ནང་ཞུགས་མཁན་མང་ཤོས་ཀྱི་དགུན་དུས་ཨོ་རྩལ་འགྲན་ཚོགས་ཤིག་ཡིན་པ་ངོ་སྤྲོད་བྱས་པ་རེད།
རྒྱལ་སྤྱིའི་ཨོ་ལིམ་ཕིག་ཨུ་ཡོན་ལྷན་ཁང་གི་གསར་འགྱུར་མགྲིན་ཚབ་པ་མཱ་ཁེ·ཡཱ་ཏང་སིས། པེ་ཅིང་དགུན་དུས་ཨོ་རྩལ་འགྲན་ཚོགས་ནང་ཞུགས་མཁན་བུད་མེད་ལུས་རྩལ་པའི་འགྲན་ཞུགས་བསྡུར་གྲངས་45.4%ཟིན་པ་དང་རྣམ་གྲངས་ཆུང་གྲས་109ཚང་མའི་ནང་བུད་མེད་ལུས་རྩལ་པ་ཞུགས་པའི་རྣམ་གྲངས་ཀྱིས་53%བཟུང་ཡོད་ཅེས་བཤད་པ་དང་། ཁོང་གིས་བུད་མེད་ལུས་རྩལ་པ་དེ་བས་མང་བ་འགྲན་བསྡུར་ནང་ཞུགས་པར་སྐུལ་མ་གཏོང་རྒྱུ་ནི་རྒྱལ་སྤྱིའི་ཨོ་ལིམ་ཕིག་ཨུ་ཡོན་ལྷན་ཁང་གི་འཐབ་ཇུས་གལ་ཆེན་ཞིག་རེད། ང་ཚོས་རྒྱལ་སྤྱིའི་རྣམ་གྲངས་རྐྱང་པའི་ལུས་རྩལ་རྩ་འཛུགས་དང་། རྒྱལ་ཁབ（ས་ཁུལ）ཨོ་ལིམ་ཕིག་ཨུ་ཡོན་ལྷན་ཁང་། བརྒྱུད་གཏོང་ཕྱོགས། ཨོ་ལིམ་ཕིག་བརྒྱུད་གཏོང་ཞབས་ཞུ་ཀུང་སི་བཅས་དང་མཉམ་ལས་དམ་ཟབ་བྱས་ཏེ་ཞིབ་ཕྲའི་ཆ་མང་པོ་ཞིག་ནས་ཕོ་མོ་འདྲ་མཉམ་ཡོང་བར་སྐུལ་འདེད་བཏང་ཡོད་པ་དཔེར་ན། མཆོང་སྟེགས་གངས་ཤུད་ཀྱི་གསེར་གྱི་རྟགས་མ་དང་པོ་དེ་བུད་མེད་ཀྱི་འགྲན་བསྡུར་ནང་ཐོན་པ་དང་། དེའི་ནང་མཚོན་རྟགས་རང་བཞིན་གྱི་པར་རིས་མང་པོ་མངོན་ཡོད་ཅེས་བཤད་པ་རེད།
པེ་ཅིང་དགུན་དུས་ཨོ་རྩལ་འགྲན་ཚོགས་སྒྲིག་འཛུགས་ཨུ་ལྷན་གྱི་གསར་འགྱུར་མགྲིན་ཚབ་པ་ཡན་ཅ་རུང་གིས། པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་གསར་དུ་བསྣན་པའི་རྣམ་གྲངས་ཀྱིས་བུད་མེད་ལུས་རྩལ་པ་འདྲ་མཉམ་ངང་འགྲན་བསྡུར་ནང་ཞུགས་པའི་གནད་དོན་ལ་བསམ་གཞིག་གང་ལེགས་བྱས་ཡོད། གསར་དུ་བསྣན་པའི་རྣམ་གྲངས་ཆུང་གྲས་7གྱི་ནང་ནས་རྣམ་གྲངས་2ནི་བུད་མེད་ཀྱི་རྣམ་གྲངས་རྐྱང་པ་དང་རྣམ་གྲངས4ནི་མཉམ་བསྲེས་ཚོགས་པའི་རྣམ་གྲངས་ཡིན་ཞིང་། སྐྱེས་པའི་རྣམ་གྲངས་1ལས་མེད། དེ་ཐོག་ནས《ཨོ་ལིམ་ཕིག་གི་2020ལོའི་གྲོས་རིམ》ནང་ལུས་རྩལ་ཁྲོད་ཀྱི་ཕོ་མོ་འདྲ་མཉམ་ལ་སྐུལ་འདེད་གཏོང་རྒྱུའི”སྐོར་གྱི་འདུ་ཤེས་གང་ལེགས་མཚོན་ཡོད་ཅེས་ངོ་སྤྲོད་བྱས་པ་རེད།
ཡོངས་བསྒྲགས་ཚོགས་འདུར་ཞུགས་མཁན་པེ་ཅིང་དགུན་དུས་ཨོ་རྩལ་འགྲན་ཚོགས་སྒྲིག་འཛུགས་ཨུ་ལྷན་གྱི་ལུས་རྩལ་པ་ཨུ་ལྷན་གྱི་ཀྲུའུ་ཞི་དབྱང་དབྱང་གིས། ལུས་རྩལ་པ་ཨུ་ལྷན་གྱི་ཨུ་ཡོན་ཁྱོན་19ཡོད་པའི་ནང་ནས་14བུད་མེད་ཡིན་པ་དང་འགྲན་བསྡུར་གྱི་ཅིང་ལི་ཁྱོན་11ཡོད་པའི་ནང་ནས་7བུད་མེད་རེད། དགུན་དུས་ཨོ་རྩལ་འགྲན་ཚོགས་མིག་སྔའི་བར་ཐམས་ཅད་བདེ་བླག་བྱུང་བ་དང་། བུད་མེད་ཀྱིས་འགྲན་བསྡུར་འཁོར་སྐྱོད་འགན་ལེན་བྱེད་པའི་ཐད་ནུས་པ་གལ་ཆེན་བཏོན་ཡོད་པས་ཁོང་ཚོ་ནི་སྤོབས་པ་སྐྱེ་འོས་པ་ཞིག་རེད་ཅེས་བཤད།
相关阅读
-
国台办发言人马晓光15日应询表示,近期,教育部对2022年大陆高校招收硕士专业、本科专业台湾学生有关事项作出安排,相关招生工作已经启动,报名时间为2月10日至25日。 -
国际奥委会和北京冬奥组委在14日的例行发布会上介绍说,北京冬奥会是迄今女性参赛比例最高、参与项目最多的冬奥会。 -
2022年药品、耗材集采确定“提速扩面” 覆盖种植牙、药物球囊等...
近日，国务院新闻办公室举行深化药品和高值医用耗材集中带量采购改革进展政策例行吹风会。
