2022ལོ་དངུལ་བུན་འདིའི་སྐྱེད་ཀ་མེད་པར་བཟོས་འདུག

ནོར་སློབ་ཡིག་ཨང་（2022）110པ།

ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར། འཆར་གཞི་ལོགས་བཀོད་གྲོང་ཁྱེར་བཅས་ཀྱི་ནོར་སྲིད་ཐིང་（ཅུས་）དང་། སློབ་གསོ་ཐིང་（ཅུས། སློབ་གསོ་ཨུ་ལྷན།）ཤིན་ཅང་ཐོན་སྐྱེད་འཛུགས་སྐྲུན་དཔུང་སྡེའི་ནོར་སྲིད་ཅུས་དང་སློབ་གསོ་ཅུས། ཀྲུང་གོའི་མི་དམངས་དངུལ་ཁང་གི་ཧྲང་ཧའེ་སྤྱི་ཁྱབ་པུའུ་དང་ཡན་ལག་དངུལ་ཁང་ཁག ལས་གཉེར་དོ་དམ་པུའུ། ཞིང་ཆེན་གྱི་ལྟེ་གནས་གྲོང་ཁྱེར་གྱི་ལྟེ་བའི་ཉིང་ལག་དངུལ་ཁང་། ཞིང་ཆེན་རིམ་པ་གཞོན་པའི་གྲོང་ཁྱེར་ལྟེ་བའི་ཉིང་ལག་དངུལ་ཁང་། དངུལ་ཁང་འགན་བཅོལ་ལྟ་སྐུལ་ཅུས་ཁག ཀྲུང་དབྱང་སྡེ་ཁག་གི་ཁོངས་སུ་གཏོགས་པའི་མཐོ་རིམ་སློབ་གྲྭ་ཁག འབྲེལ་ཡོད་དངུལ་ཁང་ལས་རིགས་ཀྱི་དངུལ་རྩ་ལས་ཁུངས་བཅས་ལ།

ཁྱིམ་ཚང་གི་དཔལ་འབྱོར་དཀའ་ངལ་ཡོད་པའི་སློབ་ཐོན་སློབ་མའི་ལས་ཞུགས་ཀྱི་གནོན་ཤུགས་ཆུང་དུ་གཏོང་བདང་། མཐོ་རིམ་སློབ་གྲྭའི་སློབ་ཐོན་སློབ་མའི་ལས་ཞུགས་ཞབས་ཞུའི་ལས་དོན་ལེགས་པོར་སྒྲུབ་པར་རྒྱབ་སྐྱོར་བྱ་ཆེད། རྒྱལ་སྲིད་སྤྱི་ཁྱབ་ཁང་གི་མོས་མཐུན་ཐོབ་པ་བརྒྱུད་ད་ཆ་2022ལོའི་རྒྱལ་ཁབ་ཀྱི་སློབ་སྐྱོར་རོགས་དངུལ་གྱི་སྐྱེད་ཀ་མི་དགོས་པ་མ་ཟད་མ་དངུལ་འཇལ་དུས་ཕྱིར་འགྱངས་བྱེད་པའི་ལས་དོན་ཡག་པོ་བསྒྲུབ་རྒྱུའི་སྐོར་གྱི་བརྡ་ཐོ་གཤམ་གསལ།

གཅིག སྤྱི་ལོ་2022ལོ་དང་དེ་བཞིན་དེ་སྔའི་ལོ་འཁོར་དུ་སློབ་མཐར་ཕྱིན་པའི་དངུལ་བུན་ཡོད་མཁན་སློབ་མ་ཚོའི་སྤྱི་ལོ་2022ལོར་འཇལ་དགོས་པའི་རྒྱལ་ཁབ་ཀྱི་སློབ་སྐྱོར་རོགས་དངུལ་གྱི་སྐྱེད་ཀ་མེད་པ་བཟོ་རྒྱུ་དང་། རྒྱལ་ཁབ་ཀྱི་སློབ་སྐྱོར་རོགས་དངུལ་གྱི་སྐྱེད་གསབ་སྲིད་ཇུས་གཞིར་བཟུང་སྟེ། སློབ་མས་འཇལ་མི་དགོས་པར་བཟོས་པའི་སྐྱེད་ཀ་དེ་ཀྲུང་དབྱང་ནོར་སྲིད་དང་ས་གནས་ནོར་སྲིད་ཀྱིས་ཚབ་སྤྲོད་བྱ་རྒྱུ།

གཉིས། 2022ལོ་དང་དེ་བཞིན་དེ་སྔའི་ལོ་འཁོར་དུ་སློབ་མཐར་ཕྱིན་པའི་དངུལ་བུན་ཡོད་མཁན་སློབ་མ་ཚོའི་2022ལོར་འཇལ་དགོས་པའི་རྒྱལ་ཁབ་ཀྱི་སློབ་སྐྱོར་རོགས་དངུལ་གྱི་མ་དངུལ་དེ་དངུལ་བུན་གཡར་མཁན་སློབ་མས་རང་བརྟེན་རེ་འདུན་ཞུས་ཚེ་ལོ་གཅིག་འགྱངས་སྤྲོད་བྱས་ཆོག་པ་དང་། འགྱངས་སྤྲོད་བྱེད་རིང་སྐྱེད་ཀ་དང་སྐྱེད་ཀ་རྩེག་མ་མེད་པ་མ་ཟད་ཉེན་ཁའི་རིགས་དབྱེ་ལའང་གནས་སྐབས་འགྱུར་བ་མི་གཏོང་རྒྱུ། 

གསུམ། རྒྱལ་ཁབ་ཀྱི་སློབ་ཞུགས་རོགས་སྐྱོར་དངུལ་བུན་གཏོང་འགན་འཁུར་བའི་དངུལ་ཁང་གིས་ལེགས་སྒྲིག་བྱས་རྗེས་ཀྱི་བུན་དངུལ་བཀོད་སྒྲིག་ལྟར་ཡིད་རྟོན་ཆ་འཕྲིན་བསྡུ་སྐྱེལ་བྱ་རྒྱུ་དང་། འབུལ་སྐྱེལ་བྱས་ཟིན་རིགས་བཟོ་བཅོས་རྒྱག་རྒྱུ། ཏོག་གསར་གློ་ཚད་ཀྱི་ཤུགས་རྐྱེན་ཕོག་ནས་དུས་ཐོག་ཏུ་དངུལ་བུན་འཇལ་མ་ཐུབ་པའི་སློབ་མ་ཚོར་མཚོན་ན། དངུལ་བུན་གཏོང་འགན་འཁུར་མཁན་དངུལ་ཁང་གིས་ངོས་འཛིན་བྱས་ནས། འབྲེལ་ཡོད་ཀྱི་དུས་ཡོལ་དངུལ་བུན་ལ་དུས་བཀག་ལས་བརྒལ་བའི་ཟིན་ཐོ་མི་སྐྱེལ་རྒྱུ་དང་། བསྐྱལ་ཟིན་རིགས་བཟོ་བཅོས་རྒྱག་རྒྱུ།

བརྡ་ཐོ་འདིའི་ནང་གཏན་འབེབས་བྱས་མེད་པའི་དོན་དག་ཡིན་ན། ད་ལྟ་ལག་བསྟར་བྱེད་བཞིན་པའི་འབྲེལ་ཡོད་སྲིད་ཇུས་ལྟར་ལག་བསྟར་བྱ་རྒྱུ།

ནོར་སྲིད་པུའུ་དང་། སློབ་གསོ་པུའུ། མི་དམངས་དངུལ་ཁང་། དངུལ་ཁང་འགན་བཅོལ་ལྟ་སྐུལ་དོ་དམ་ཨུ་ལྷན་བཅས་ཀྱིས།

                                                      2022ལོའི་ཟླ་5ཚེས་26ཉིན།