ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ཁང་གིས་༢༠༢༥ལོའི་རྒྱལ་ནང་གི་གསར་འགྱུར་ཆེན་པོ་བཅུ་དང་རྒྱལ་སྤྱིའི་གསར་འགྱུར་ཆེན་པོ་བཅུ་ཁྱབ་བསྒྲགས་བྱས།

  ཟླ་བ་བཅུ་གཉིས་པའི་ཚེས་ཉེར་བརྒྱད་ཉིན། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ཁང་གིས་༢༠༢༥ལོའི་རྒྱལ་ནང་གི་གསར་འགྱུར་ཆེན་པོ་བཅུ་དང་རྒྱལ་སྤྱིའི་གསར་འགྱུར་ཆེན་པོ་བཅུ་ཁྱབ་བསྒྲགས་བྱས་པ་རེད།

༢༠༢༥ལོའི་རྒྱལ་ནང་གི་གསར་འགྱུར་ཆེན་པོ་བཅུ་ནི།

  གཅིག ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་བཞི་པའི་ཐོག་ཀྲུང་གུང་ཀྲུང་དབྱང་གིས་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་ཨང་བཅོ་ལྔ་པ་གཏན་འབེབས་བྱས་པའི་སྐོར་གྱི་གྲོས་འགོ་ལ་གྲོས་ཞིབ་བྱས་ནས་གྲོས་འཆམ་བྱུང་བས། མ་འོངས་པའི་ལོ་ལྔའི་འཕེལ་རྒྱས་ཀྱི་རླབས་ཆེན་འཆར་འགོད་བཀོད་ཡོད།

  གཉིས། ཀྲུང་གོའི་མི་དམངས་ཀྱིས་འཇར་འགོག་དམག་འཁྲུག་དང་འཛམ་གླིང་ཧྥ་ཞི་སི་ལ་རྒོལ་བའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ་བརྒྱད་ཅུའི་འཁོར་བར་དྲན་གསོ་ཞུ་བའི་ཚོགས་ཆེན་གཟབ་རྒྱས་ངང་འཚོགས། ཞི་ཅིན་ཕིང་གིས་གསུང་བཤད་གལ་ཆེན་གནང་ཞིང་གཟིགས་ཞིབ་དང་ལེན་དམག་དཔུང་ལ་གཟིགས་ཞིབ་གནང་།

གསུམ། ཏང་ཡོངས་སུ་ཀྲུང་དབྱང་གི་གཏན་འབེབས་བརྒྱད་ཀྱི་སྙིང་དོན་ལག་བསྟར་བྱེད་པའི་སློབ་སྦྱོང་དང་སློབ་གསོ་སྤེལ་ནས། ཏང་གི་ཀུན་སྤྱོད་མུ་མཐུད་དེ་ཇེ་བཟང་དུ་ཕྱིན།

  བཞི། ལོ་ཧྲིལ་པོའི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་དམིགས་འབེན་ལས་འགན་གཙོ་བོ་གྲུབ་ནས་ལོ་ལྔའི་འཆར་གཞི་ཨང་བཅུ་བཞི་པ་བདེ་བླག་ངང་མཇུག་བསྒྲིལ།

  ལྔ། ཐེན་ཅིན་གྱི་ཧྲང་ཧའོ་མཉམ་ལས་རྩ་འཛུགས་རྩེ་འཛོམས་གྲོས་ཚོགས་ནས་པེ་ཅིན་གྱི་འཛམ་གླིང་བུད་མེད་རྩེ་འཛོམས་གྲོས་ཚོགས་སོགས་ཕྱི་འབྲེལ་བྱེད་སྒོའི་ཚོགས་འདུ་གལ་ཆེན་རབ་དང་རིམ་པ་བདེ་བླག་ངང་འཚོགས། ཞི་ཅིན་ཕིང་གིས་འཛམ་གླིང་བཅོས་སྐྱོང་གྲོས་གཞི་བཏོན་པས། རྒྱལ་སྤྱི་ཐོག་རང་རྒྱལ་གྱི་སྙན་གྲགས་སྔར་ལས་རྒྱས་ཤིང་། མིའི་རིགས་ཀྱི་ལས་དབང་གཅིག་པའི་ཐུན་མོང་ཚོགས་པའི་འདུ་ཤེས་མི་སེམས་གཏིང་ལ་ཆགས་ཡོད།

དྲུག བོད་རང་སྐྱོང་ལྗོངས་དབུ་བརྙེས་ནས་ལོ་ངོ་དྲུག་ཅུ་འཁོར་བ་དང་ཞིན་ཅང་ཡུ་གུ་རིགས་རང་སྐྱོང་ལྗོངས་དབུ་བརྙེས་ནས་ལོ་ངོ་བདུན་ཅུ་འཁོར་བའི་དགའ་སྟོན་ཚོགས་ཆེན་གཟབ་རྒྱས་ངང་འཚོགས་ཤིང་། ཞི་ཅིན་ཕིང་གིས་ཚོགས་པ་ཁྲིད་ནས་ཚོགས་ཆེན་ནང་ཞུགས།

བདུན།  རྒྱལ་ཡོངས་དམངས་ཆེན་རྒྱུན་ལས་ཨུ་ལྷན་གྱིས་ཟླ་བཅུ་པའི་ཚེས་ཉེར་ལྔ་ཉིན་དེ་ཐའེ་ཝན་ཕྱིར་ལེན་དྲན་གསོའི་ཉིན་མོར་གཏན་འཁེལ་བྱེད་པའི་གྲོས་ཐག་བཅད།

བརྒྱད།  ཧའེ་ནན་རང་མོས་ཉོ་ཚོང་གྲུ་ཁས་སྒོ་ཁྲལ་མི་ལེན་པ་འཁོར་སྐྱོད་བྱས་ཤིང་། རང་རྒྱལ་གྱིས་ཆུ་ཚད་མཐོན་པོའི་ཕྱི་ཕྱོགས་སྒོ་འབྱེད་བློ་བརྟན་འགྱུར་མེད་ཀྱིས་མུས་སུ་རྒྱ་བསྐྱེད་པ།

དགུ། གནམ་དཔྱད་ཨང་རྟགས་གཉིས་པས་བར་སྣང་ཟབ་སའི་ཕུགས་འདུན་སྙེག་པ་དང་། ལྷ་གྲུ་ཨང་རྟགས་ཉེར་གཉིས་པ་བབ་བསྟུན་བར་སྣང་དུ་བཏང་།  ཧྥུའུ་ཅན་མ་གྲུ་དངོས་སུ་མཚོ་དམག་དམག་འཐབ་ནང་དུ་ཚུད་ཅིང་། རང་རྒྱལ་གྱི་ཆུ་ཚད་མཐོ་བའི་ཚན་རྩལ་རང་ཚུགས་རང་སྟོབས་གོང་དུ་སྤེལ། གནད་འགག་སྲོག་ཤིང་ལག་རྩལ་རང་བདག་ཚོད་འཛིན་ནུས་པ་མངོན་གསལ་ཇེ་མཐོར་ཕྱིན།

བཅུ།  སྐབས་བཅོ་ལྔ་པའི་རྒྱལ་ཡོངས་ལུས་རྩལ་འགྲན་ཚོགས་དངོས་སུ་འཚོགས་ཤིང་།  རྒྱལ་ཡོངས་ལུས་རྩལ་འགྲན་ཚོགས་ཀོང་ཏུང་དང་ཞང་ཀང་།  ཨོ་མེན་བཅས་ས་ཆ་གསུམ་མཉམ་འབྲེལ་སྒོས་ཐོག་མར་སྤེལ་བས།  ཀོང་ཏུང་དང་ཞང་ཀང་།  ཨོ་མེན་གྱི་མཚོ་ཁུག་ཆེན་མོ་འཛུགས་སྐྲུན་གྱི་ལམ་ཚད་རྡོ་རིང་གལ་ཆེན་དུ་གྱུར་ཐུབ་པ་བཅས་རེད།

༢༠༢༥ལོའི་རྒྱལ་སྤྱིའི་གསར་འགྱུར་ཆེན་མོ་བཅུ་ནི།

གཅིག ཀྲུང་གོའི་གཙོ་འཛིན་ཕྱི་འབྲེལ་གྱིས་འཛམ་གླིང་ཞི་བདེ་དང་འཕེལ་རྒྱས་ཀྱི་དུས་རབས་དར་སྲོལ་ལ་སྣེ་ཁྲིད་ཅིང་། ཞི་ཅིན་ཕིང་གིས་འཛམ་གླིང་བཅོས་སྐྱོང་གྲོས་འགོ་བཏོན།  འཛམ་གླིང་གྲོས་འགོ་བཞི་ཡིས་མིའི་རིགས་ཀྱི་ལས་དབང་གཅིག་པའི་ཐུན་མོང་ཚོགས་པ་འཛུགས་སྐྱོང་མདུན་མར་སྤེལ།

གཉིས། ཀྲུང་གོས་ཀྲུང་གོའི་མི་དམངས་འཇར་འགོག་དམག་འཁྲུག་དང་འཛམ་གླིང་གིས་ཧྥ་ཤི་སི་ལ་རྒོལ་བའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ་བརྒྱད་ཅུ་འཁོར་བའི་དྲན་གསོའི་ཚོགས་ཆེན་འཚོགས་ཤིང་། འཛམ་གླིང་ས་ཆ་མང་པོས་འཛམ་གླིང་འཁྲུག་ཆེན་གཉིས་པ་ལ་རྒྱལ་ཁ་ཐོབ་ནས་ལོ་ངོ་བརྒྱད་ཅུར་འཁོར་བར་རྟེན་འབྲེལ་ཞུས།

གསུམ།  ཨི་ཟེ་རེལ་དང་ཨ་རིས་ཨི་རན་ལ་འཇབ་རྒོལ་བྱས་ཤིང་། ཅ་ཧྲ་ས་ཁུལ་དམག་འཁྲུག་ཐབས་ཆག་མཚམས་བཞག་བྱས།

བཞི།  ཨུ་རུ་སུ་དང་ཡུག་རེན་གདོང་གཏུག་དེ་རྒྱག་གྲོས་ཁྱུད་མོར་འཁོར་ཞིང་།ཨ་རིའི་སྲིད་ཇུས་ཀྱི་འགྱུར་ལྡོག་ལས་ཨ་རི་དང་ཡོ་རོབ་བར་འགལ་ཟླ་ཇེ་ཐུར་གྱུར།

ལྔ། ཧྲང་ཧའེ་མཉམ་ལས་རྩ་འཛུགས་བྷོད་གསེར་རྒྱལ་ཁབ་ཀྱིས་ཁོངས་གཏོགས་རྒྱལ་ཁབ་གསར་པ་བསུས། གོ་ལ་ཧྲིལ་བོའི་འཕེལ་རྒྱས་འགྲོ་བཞིན་པའི་རྒྱལ་ཁབ་མཐུན་སྒྲིལ་མཐུན་སྦྱོར་གྱིས་རྒྱལ་སྤྱིའི་སྙན་གྲགས་ཇེ་ཆེར་བཏང་།

དྲུག གོ་ལ་ཧྲིལ་བོའི་ཐལ་དྲགས་པའི་ནམ་ཟླའི་ཁྱད་ཆོས་མུ་མཐུད་དུ་མངོན། ཀྲུང་གོས་རང་བདག་གི་བྱས་རྗེས་འདོན་པའི་དམིགས་འབེན་གསར་པས་གོ་ལ་ཧྲིལ་བོའི་ནམ་ཟླའི་བཅོས་སྐྱོང་གི་སྣེ་ཁྲིད་རྒྱུ་ཁྱབ་བསྒྲགས་བྱས།

བདུན། ཨ་རིས་སྒོ་ཁྲལ་གང་མོས་བསྟར་པས་ཕྱོགས་མང་ཉོ་ཚོང་སྒྲིག་གཞི་ལ་གནོད་འཚེར་ཚབས་ཆེན་བཟོས། ཀྲུང་གོའི་དཔལ་འབྱོར་བརྟན་ཐོག་མདུན་སྐྱོད་ཀྱིས་འཛམ་གླིང་དཔལ་འབྱོར་ལ་གོ་སྐབས་དང་གཏན་འཁེལ་རང་ནུས་པ་བསྐྲུན།

བརྒྱད། ཀའོ་ཧྲི་ཙའོ་མིའོ་ཡི་ནོར་འཁྲུལ་གཏམ་བཤད་ཀྱིས་འཐབ་འཁྲུག་རྗེས་ཀྱི་རྒྱལ་སྤྱིའི་སྒྲིག་གཞི་ལ་འགྲན་བསླངས་བྱས། རྒྱལ་སྤྱིའི་སྤྱི་ཚོགས་ཀྱིས་འཇར་པན་དམག་རྒྱལ་རིང་ལུགས་རོ་ལངས་རྒྱག་པར་གཟབ་དགོས་པའི་དྲན་སྐུལ་བཏང་།

དགུ ཨ་རིའི་རྒྱལ་ཁབ་བདེ་འཇགས་འཐབ་ཇུས་གསར་པས་ཕྱེད་གླིང་ནུབ་མ་དམིགས་སུ་བཀར་བ་ནན་གྱིས་བཏོན་ནས་ལ་ཏིང་མེ་གླིང་གི་དམག་དོན་བཀོད་འདོམས་ཇེ་དྲག་བཏང་།

བཅུ། ཨ་རིའི་རྒྱལ་ཕྲན་མནའ་འབྲེལ་སྲིད་གཞུང་གིས་མཚམས་བཞག་དུས་ཡུན་གྱིས་ཡང་བསྐྱར་ཟིན་ཐོ་གསར་པ་བསྐྲུན། སྤྱི་ཚོགས་ཀྱི་འགལ་བ་ཛ་དྲག་ཇེ་ཆེར་སོང་ཞིང་ཆབ་སྲིད་ཀྱི་དྲག་ཤུགས་དོན་རྐྱེན་མང་དུ་བྱུང་བ་བཅས་རེད།