སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་གཙོ་བོའི་ཆེད་དོན་བགྲོ་གླེང་འཛིན་གྲྭའི་འགོ་ཚུགས་མཛད་སྒོ་ཐོག་གི་གསུང་བཤད་གལ་ཆེན་ལ་དགའ་བསུ་ཆེན་པོ་ཐོབ།

  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་པ་གཙོ་བོས་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་བཞི་པའི་སྙིང་དོན་སློབ་སྦྱོང་དང་ལག་བསྟར་བྱེད་པའི་ཆེད་དོན་བགྲོ་གླེང་འཛིན་གྲྭ་འགོ་ཚུགས་མཛད་སྒོ་ཐོག་གི་གསུང་བཤད་གལ་ཆེན་ལ་རྒྱལ་ཡོངས་ས་གནས་ཁག་ཏུ་དགའ་བསུ་ཆེན་པོ་ཐོབ་པ་རེད། 

  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས། ལོ་ལྔ་ཚན་གྱི་འཆར་འགོད་གཏན་འབེབས་དང་ལག་བསྟར་བྱེད་པ་ནི་ང་ཚོའི་ཏང་གི་རྒྱལ་སྐྱོང་སྲིད་འཛིན་གྱི་ཉམས་མྱོང་གལ་ཆེན་ཡིན་ལ། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ལམ་ལུགས་ཀྱི་ཆབ་སྲིད་ལེགས་ཆ་གལ་ཆེན་ཞིག་ཡིན་ཞེས་གསུངས། རྒྱ་ཆེའི་ཏང་ཡོན་ལས་བྱེད་པས། གནས་བབ་གསར་པ་དང་ལས་འགན་གསར་པར་དམིགས་ནས། ཉམས་མྱོང་རྩ་ཆེན་ཡག་པོ་སྤྱོད་པ། ལམ་ལུགས་ལེགས་ཆ་དེ་འཕེལ་རྒྱས་ཀྱི་ནུས་པར་བསྒྱུར་བ། འཐབ་ཇུས་བཀོད་སྒྲིག་བྱ་སྤྱོད་དངོས་ནས་ལག་ལེན་བྱེད་དགོས་ཞེས་བཤད། 

  པེ་ཅིན་གྲོང་ཁྱེར་ཧྥང་ཐའེ་ཆུས་ཏང་ཨུའི་ཧྲུའུ་ཅི་ཝང་ཧྲའོ་ཧྥང་གིས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཕན་པ་བཞིས་ལོ་ལྔ་ཚན་གྱི་འཆར་འགོད་གཏན་འབེབས་དང་ལག་བསྟར་གྱི་ཆབ་སྲིད་ལེགས་ཆ་ལ་ཕྱོགས་བསྡུས་ཟབ་མོ་བྱེད་པ་དང་། རྒྱུན་འཁྱོངས་ལྔ་ལས་དུས་ཡུན་རིང་པོའི་ལག་བསྟར་ནང་དུ་བྱུང་བའི་ཕུན་སུམ་ཚོགས་པའི་ཉམས་མྱོང་ཕྱོགས་བསྡོམས་བྱས་ཡོད། ང་ཚོའི་ཏང་གིས་ལོ་ལྔའི་འཆར་འགོད་གཏན་འབེབས་དང་ལག་བསྟར་གྱི་་ཆོས་ཉིད་རང་བཞིན་ལ་ངོས་འཛིན་ཟབ་མོ་བྱེད་བཞིན་མངོན་ཡོད། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་སྙིང་དོན་སློབ་སྦྱོང་དང་ལག་བསྟར་ཟབ་མོ་བྱེད་པ། ཏང་གི་གསར་གཏོད་རིགས་གཞུང་གིས་བསམ་བློ་གཅིག་གྱུར་དང་བསམ་བློ་ལ་དྲག་སྤྲས་བྱེད་པ། འགྲན་བརྩོན་དྲག་པོ་ལྡན་པའི་དེང་རབས་ཅན་ཐོན་ལས་མ་ལག་མགྱོགས་མྱུར་དུ་བཀོད་སྒྲིག་བྱེད་ཅིང་།  གསར་གཏོད་གསོན་ཤུགས་འདོན་སྤེལ་ཡག་པོ་བྱེད་པ། དོན་དངོས་བསྒྲུབས་ནས་གཏན་འཁེལ་གཉིས་སྲུང་སྐྱོང་དང་རྦད་དེ་སྲུང་སྐྱོང་གཉིས་བྱེད་དགོས་ཞེས་བཤད།

  ཀོང་ཏུང་ཞིང་ཆེན་གྱིས་ཀོང་ཏུང་དང་ཞང་ཀང་། ཨའོ་མོན་མཚོ་ཁུག་ཆེན་མོའི་འཛུགས་སྐྲུན་འགོ་ཁྲིད་ཚོ་ཆུང་གཞུང་ལས་ཁང་གི་ཆེད་གཉེར་ཀྲུའུ་རེན་གཞོན་པ་ཀྲུའུ་ཡུང་ཧུའེ་ཡིས། ལོ་ལྔའི་འཆར་གཞི་ཨང་བཅུ་བཞི་པའི་དུས་སྐབས་སུ། རང་རྒྱལ་དཔལ་འབྱོར་སྟོབས་ཤུགས་དང་ཚན་རྩལ་སྟོབས་ཤུགས། ཕྱོགས་བསྡུས་རྒྱལ་ཤུགས་སྐས་རིམ་གསར་པར་སྤོས་ཤིང་། གྲུབ་འབྲས་དེ་དག་ཐོབ་པ་དེ་རྩ་བའི་ཆ་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ལམ་སྟོན་སྣེ་ཁྲིད་ལ་རག་ལས་པ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པས་ཚན་རིག་གི་ཁྲིད་སྟོན་དང་རག་ལས་ཡོད། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་ལག་བསྟར་དོན་འཁྱོལ་བྱས་ཏེ། དེང་རབས་ཅན་གྱི་ཐོན་ལས་མ་ལག་འཛུགས་སྐྱོང་མགྱོགས་སུ་གཏོང་བ་དང་། ལོ་ལྔའི་འཆར་གཞི་ཨང་བཅོ་ལྔ་པའི་འགོ་ཡག་པོ་འཛུགས་པར་རྨང་གཞི་བརྟན་པོ་འདིང་རྒྱུ་ཡིན་ཞེས་བཤད།

  ལིའོ་ཉིང་ཞིང་ཆེན་ཚན་རིག་ལག་རྩལ་ཐིང་གི་ཏང་ཙུའུ་ཧྲུའུ་ཅི་ཝང་ཞའེ་ལེ་ཡིས། ལག་ལེན་གྱི་ཐོག་ནས། གཏན་འཁེལ་གཉིས་ནི་དཀའ་ཁག་དང་བཀག་འགག་ཡོད་ཚད་ལས་རྣམ་པར་རྒྱལ་བ་དང་། ངེས་མེད་ཀུན་ལ་ཁ་གཏད་གཅོག་པའི་ཆེས་ཆེ་བའི་ངེས་གཏན་རང་བཞིན་དང་ཆེས་ཆེ་བའི་སྤོབས་པ་དང་། ཆེས་ཆེ་བའི་འགན་སྲུང་ཡིན་པར་ར་སྤྲོད་བྱས་ཡོད། ལོ་ལྔའི་འཆར་གཞི་ཨང་བཅོ་ལྔ་པའི་འགོ་འཛུགས་ས་གསར་པའི་ཐོག ང་ཚོས་བློ་བརྟན་འགྱུར་མེད་ཀྱིས་གཏན་འཁེལ་གཉིས་ལ་གོང་བཀུར་བྱེད་པ་དང་། སྲུང་སྐྱོང་གཉིས་སྒྲུབ་ཐུབ་པ་བྱས་ཏེ། རྒྱལ་ཁབ་ཀྱི་འཐབ་ཇུས་དགོས་མཁོ་དང་བསྟུན་ནས། ཚན་རྩལ་གསར་གཏོད་ཀྱིས་སྤུས་མཐོའི་འཕེལ་རྒྱས་ལ་རྒྱབ་རྟེན་སྣེ་ཁྲིད་ཀྱི་ནུས་པ་འདོན་རྒྱུ་ཡིན་ཞེས་བཤད།

  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཁྱོན་ཡོངས་ནས་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་བཞི་པའི་འཐབ་ཇུས་བཀོད་སྒྲིག་གོ་བ་ཡང་དག་དང་དམ་འཛིན་བྱེད་པ་སོགས་གནད་དོན་ཆེན་པོའི་འགྲེལ་བརྗོད་ཟབ་མོ་གནང་ཞིང་བླང་བྱ་གསལ་པོ་བཏོན་ཡོད་པས། ཚང་མས་སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་གྱིས་ལོ་ལྔའི་འཆར་གཞི་ཨང་བཅོ་ལྔ་པའི་དུས་སྐབས་ཀྱི་དཔལ་འབྱོར་དང་སྤྱི་ཚོགས་རྒྱུན་མཐུད་བདེ་བླག་ངང་འཕེལ་རྒྱས་ལ་མཛུབ་སྟོན་གྱི་དོན་སྙིང་གལ་ཆེན་ལྡན། སྔར་ལས་ལྷག་པའི་སྒོ་ནས་སློབ་སྦྱོང་ཡག་པོ་བྱས་ཏེ། དོན་གཉེར་ནུས་པ་ཇེ་དྲག་དང་། འབད་པ་ལྷོད་མེད་ཀྱིས་འཆར་གཞི་དོན་འཁྱོལ་བྱེད་དགོས་ཞེས་བཤད།

  ནང་སོག་ཧུའུ་ཧོ་ཧོ་ཐེ་གྲོང་ཁྱེར་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ཀྱི་ཅུས་ཀྲང་པའོ་ལི་ཀོ་ཡིས། ང་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པས་མཛུབ་སྟོན་བྱས་ཏེ། ཁྱོན་ཡོངས་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཀྱི་འཐབ་ཇུས་བཀོད་སྒྲིག་ལ་གོ་བ་ཡང་དག་དང་དམ་འཛིན་ཟབ་མོ་བྱས་ཏེ། སྤུས་ཚད་མཐོན་པོས་ལས་ཞུགས་གང་ཐུབ་དང་། སྤྱི་ཚོགས་འགན་སྲུང་དམངས་འཚོའི་དྲ་བ་དམ་སྦྲེལ། མང་ཚོགས་ཀྱི་ཡོང་འབབ་སྤར་བ་སོགས་ཤུགས་གནད་ལ་ཕོག་སྟེ། དམངས་འཚོའི་མ་ཐིག་བརྟན་སྲུང་དང་དམངས་འཚོའི་ཕན་བདེ་ཇེ་ལེགས་གཏོང་རྒྱུ་ཡིན་ཞེས་བཤད།

  ཐེན་ཅིན་པིང་ཧེ་སྤེལ་ཁུལ་གསར་པའི་ཏང་ཨུའི་ཧྲུའུ་ཅི་དབྱང་ལིའུ་ཡིས། ང་ཚོས་གཏན་འཁེལ་གཉིས་ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་ལེན་པ། སྲུང་སྐྱོང་གཉིས་ཡག་མོ་སྒྲུབ་པ། རང་རྟོགས་ཀྱིས་བསམ་བློ་དང་བྱ་སྤྱོད་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་འཐབ་ཇུས་བཀོད་སྒྲིག་ཐོག་གཅིག་གྱུར་བྱས་ནས། རིག་ནུས་ཅན་དང་འབག་མེད་ཅན། ཟུང་འབྲེལ་ཅན་བཅས་ཀྱི་ཁ་ཕྱོགས་རྒྱུན་འཁྱོངས་བྱེད་པ། ཐོན་ལས་གསར་གཏོད་དང་ཤེས་འཇོན་གཅིག་བསྡུ་བྱས་ནས། སློབ་སྦྱོང་གི་གྲུབ་འབྲས་དེ་དོན་དངོས་སྒྲུབ་འབྲས་བུ་དངོས་སྨིན་ལ་བསྒྱུར་དགོས་ཞེས་བཤད།

  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས། ཚན་རིག་དང་མཐུན་པའི་ཐབས་ཇུས་དང་དམངས་གཙོའི་ཐབས་ཇུས། ཁྲིམས་ལྟར་ཐབས་ཇུས་བཅས་རྒྱུན་འཁྱོངས་བྱེད་པ་དང་། རྒྱལ་ཁབ་དང་ས་གནས་ཀྱི་ལོ་ལྔའི་འཆར་གཞི་ཨང་བཅོ་ལྔ་པའི་འཆར་འགོད་རྩ་གནད་དང་ཆེད་དོན་འཆར་འགོད་སྒྲིག་བཟོ་ཡག་མོ་བྱེད་དགོས་ཞེས་གསུངས། ཚང་མས་ལོ་ལྔའི་འཆར་གཞི་ཨང་བཅོ་ལྔ་པའི་དམིགས་འབེན་ལས་འགན་དམིགས་ནས་ཡུལ་བབ་དང་བསྟུན་པ་དང་གསར་གཏོད་རང་བཞིན་གྱི་སྒོ་ནས་ལས་དོན་སྤེལ་ནས། ཁྱོན་ཡོངས་ནས་ཀྲུང་གོའི་ལུགས་ཀྱི་དེང་རབས་ཅན་གྱི་རྒྱང་སྐྱོད་གསར་པའི་ཐོག་འགན་འཁྲི་གསར་པ་ཁུར་བ་དང་བྱས་རྗེས་གསར་པ་འཇོག་དགོས་ཞེས་བཤད།

  མཚོ་སྔོན་ཞིང་ཆེན་ཟི་ལིང་དཔལ་འབྱོར་ལག་རྩལ་གསར་སྤེལ་ཁུལ་དོ་དམ་ཨུ་ལྷན་གྱི་དངུལ་གཏོང་ཡར་སྐུལ་ཅུས་ཀྱི་འགོ་འཛིན་ཝང་ཡན་གྱིས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དེང་རབས་ཅན་གྱི་ཐོན་ལས་མ་ལག་འཛུགས་སྐྲུན་བྱེད་པ་དང་འཕེལ་རྒྱས་ཀྱི་བཀོད་པ་གསར་པ་འཛུགས་སྐྲུན། དཔལ་འབྱོར་དང་སྤྱི་ཚོགས་མཐུན་སྦྱོར་ངང་འཕེལ་རྒྱས་གཏོང་བ་སོགས་གཞུང་ལུགས་གལ་ཆེན་དང་ལག་ལེན་གནད་དོན་འགྲེལ་བརྗོད་གསལ་པོར་གནང་བས། ང་ཚོས་སྔར་ལས་ལྷག་པར་འཕེལ་རྒྱས་ཀྱི་ཁ་ཕྱོགས་དང་ཐབས་ལམ་གསལ་པོར་གོ་སོང་། ང་ཚོས་ལོ་ལྔའི་འཆར་གཞི་ཨང་བཅོ་ལྔ་པའི་བཀོད་སྒྲིག་དེ་ལ་གཞི་རིམ་ནས་ཕན་འབྲས་ཐོན་པར་ཁག་ཐེག་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་འཛུགས་སྐྱོང་གི་རྣམ་པ་གསར་པ་གཏོད་གང་ཐུབ་བྱེད་གོས་ཞེས་བཤད།

  ཅི་ལིན་ཞིང་ཆེན་ཞིང་ལས་ཞིང་སྡེ་ཐིང་གི་འགོ་འཛིན་གཞོན་པ་ལིའུ་ཧུའེ་ཡིས། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱེད་པ་དང་། རྒྱལ་ཁབ་ཆེན་མོའི་ཇུས་ཆེན་སེམས་ལ་བཞག་ནས། ཅི་ལིན་གྱི་ལོ་ལྔའི་འཆར་གཞི་ཨང་བཅོ་ལྔ་པའི་དེང་རབས་ཅན་གྱི་ཞིང་ལས་ཆེན་མོ་དང་ཞིང་སྡེ་འཕེལ་རྒྱས་གཏོང་བའི་ཆེད་དོན་འཆར་གཞི་སྒྲིག་བཟོ་བྱས་ཏེ། འབྲུ་རིགས་ཀྱི་ཕྱོགས་བསྡུས་ཐོན་སྐྱེད་ནུས་ཤུགས་མཐོར་འདེགས་གཏོང་བ་དང་གྲོང་གསེབ་ཀྱི་ཁྱད་ལྡན་ཐོན་ལས་འཕེལ་རྒྱས་གཏོང་བ། སྔར་ལས་ཞིང་འབྲེལ་དང་ཞིང་སྐུལ་གྱི་ནང་རྐྱེན་འཛུགས་སྐྱོང་ཟབ་མོ་བྱས་ནས། ཞིང་པ་ལ་ཐོན་ལས་འཕེལ་རྒྱས་ཀྱི་ཁེ་ཕན་ལོངས་སུ་སྤྱོད་འཇུག་དགོས་ཞེས་བཤད།

  ཅང་སུའུ་ཞིང་ཆེན་ནན་ཅིན་གྲོང་ཁྱེར་འཕེལ་རྒྱས་དང་བཅོས་སྒྱུར་ཨུ་ལྷན་གྱི་ཀྲུའུ་རེན་གཞོན་པ་ཀྲུའུ་རུའུ་པོ་ཡིས། སྤྱི་ཁྱབ་ཧྲུའུ་ཅི་ཡིས་ཏང་ཡོན་ལས་བྱེད་ཀྱིས་ཡང་དག་པའི་ཆབ་སྲིད་བྱས་རྗེས་ལྟ་བ་འཛུགས་པ་དང་ལག་ལེན་བསྟར་དགོས་པའི་བླང་བྱ་བཏོན། ང་ཚོས་ལག་ལེན་དངོས་དང་འཇོན་ཐང་ཇེ་དྲག་དང་དོན་དངོས་ལ་རྐང་ཚུགས་ཤིང་ཆོས་ཉིད་ལྟར་ལས་ཀ་བསྒྲུབས་ནས། བཟོ་སྐྲུན་ལས་རིགས་ཀྱི་རྨང་གཞི་ཇེ་བརྟན་དང་། ཚན་རིག་སློབ་གསོའི་ཐོན་ཁུངས་ཕུན་སུམ་ཚོགས་པའི་ལེགས་ཆ་སྔོག་འདོན་བྱས་ནས། གོམ་པ་རེ་རེས་འཆར་འགོད་དེ་དོན་དངོས་ལ་བསྒྱུར་དགོས་ཞེས་བཤད།

  ཞུང་ཨན་སྤེལ་ཁུལ་གསར་པའི་བཟོ་ལས་དང་ཆ་འཕྲིན་ཚན་རྩལ་གཞི་གྲངས་ཅུས་ཀྱི་འགོ་འཛིན་གཞོན་པ་ཝང་ཧུའེ་ཞིན་གྱིས། ལོ་ལྔའི་འཆར་གཞི་ཨང་བཅོ་ལྔ་པའི་རིང་། ང་ཚོས་སྤྱི་ཁྱབ་ཧྲུའུ་ཅི་ཡི་བླང་བྱ་ལྟར། ཁ་ཕྱོགས་ཡག་པོ་རྙེད་པ་དང་། པེ་ཅིན་རྒྱལ་ས་མིན་པའི་བྱེད་ནུས་ཀྱིས་གཅིག་བསྡུས་ཐེག་ཚད་གནས་ལྷོད་པའི་བལྟས་བཅས་ཀྱི་ལེགས་ཆ་འདོན་སྤེལ་བྱེད་པ།ཤེས་འཇོན་པ་དང་ཚན་རྩལ། ཞབས་ཞུའི་རྒྱུ་ཆ་བཅས་གཅིག་བསྡུས་ཇེ་མགྱོགས་སུ་བཏང་ནས། ཐོན་ལས་རྩེ་གྲས་ཞུང་ཨན་གྱི་ས་གཞིར་གཅིག་འབྲེལ་བྱེད་དེ། མ་བཅོས་རྒྱུ་ཆ་དང་ལྷུ་ལག་བཟོས་སྐྲུན་ཐོན་སྐྱེད་ཐོན་ལས་ཕན་ཚུན་འབྲེལ་མཐུད་དང་རང་གི་འཇོན་ཐང་མངོན་པ། ཁ་ཕྱོགས་གཅིག་ཏུ་ཤུགས་རྒྱག་པའི་རྣམ་པ་ཆགས་པར་བྱེད་དགོས་ཞེས་བཤད།

  སེམས་ཤུགས་གཅིག་ཏུ་བསྒྲིམས་ནས་བྱ་གཞག་རླབས་ཆེན་གཏོད། དཀའ་སྤྱད་སྡུག་རུས་ཀྱིས་འགྲུལ་བཞུད་གསར་པར་སྤྱོད། རྒྱ་ཆེའི་ཏང་ཡོན་ལས་བྱེད་ཀྱིས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་སློབ་སྦྱོང་ཟབ་མོ་བྱས་ནས། ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་བཞི་པའི་སྙིང་དོན་སློབ་སྦྱོང་ལག་བསྟར་བྱེད་པ་དེ་གཏིང་ཇེ་ཟབ་གཏོང་བ་དང་། བསམ་བློ་སྔར་བས་གཅིག་གྱུར་དང་སེམས་ཤུགས་གཅིག་ཏུ་བསྡུས་པ་བཅས་བྱས་ནས། རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་བྱ་གཞག་་རླབས་པོ་ཆེའི་ལེའུ་གསར་པ་གཏོད་གང་ཐུབ་བྱེད་དགོས་ཞེས་བཤད།

  ཀོང་ཞི་ཀྲོང་རིགས་རང་སྐྱོང་ལྗོངས་ཚོང་དོན་ཐིང་ཕྱོགས་བསྡུས་ལས་སྒོ་ཁྲུའུ་ཡི་འགོ་འཛིན་ལིའུ་དབྱང་གིས། ང་ཚོས་བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གི་མཐའ་འཁོར་ལ་མཐུན་སྒྲིལ་དམ་པོ་བྱས་ནས། ཏང་ཀྲུང་དབྱང་གི་གྲོས་ཆོད་བཀོད་སྒྲིག་ལག་བསྟར་དོན་འཁྱོལ་ཡག་པོ་བྱེད་པ། རྒྱལ་ཁབ་འཁོར་རེས་ཆེན་པོ་མཐོར་འདེགས་ཇེ་དྲག་དང་ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་རྒྱ་བསྐྱེད་པའི་རང་བདག་རང་བཞིན་དང་། རྒྱལ་སྤྱིའི་འཁོར་རེས་རྒྱ་བསྐྱེད་ཀྱིས་རྒྱལ་ནང་བཅོས་སྒྱུར་འཕེལ་རྒྱས་ཇེ་དྲག་གཏོང་བའི་གསོན་ཤུགས་ཀྱིས་ཀྲུང་གོ་རུ་ཅ་ལག་ཉོ་བ་དང་། ཀྲུང་གོར་ཕྱིར་གཏོང་། ཀྲུང་གོར་དངུལ་གཏོང་བཅས་ཀོང་ཞི་རུ་དོན་ཐོག་འཁྱོལ་བར་ཞབས་ཞུ་ཡག་པོ་སྒྲུབ་པ། སྲིད་ཇུས་ལེགས་ཆ་དང་ཐོན་ཁུངས་ལེགས་ཆ། ཁྱབ་ཁོངས་ལེགས་ཆ་བཅས་འགྲན་རྩོད་ནུས་པ་དངོས་ལ་བསྒྱུར་ཇེ་མགྱོགས་གཏོང་དགོས་ཞེས་བཤད།

  ཀན་སུའུ་ཞིང་ཆེན་ལན་ཀྲོའུ་གྲོང་ཁྱེར་ཨན་ཉིང་ནུབ་ལམ་སྲང་ལམ་གྱི་ཏང་གི་ལས་དོན་ཨུ་ལྷན་གྱི་ཧྲུའུ་ཅི་ཧྥེ་ཅིན་ཁྲེན་གྱིས། སྤྱི་ཁྱབ་ཧྲུའུ་ཅི་ཡིས་དམངས་འཚོ་ལེགས་བཅོས་བྱེད་རྒྱུ་དེ་སྤྱི་ཚོགས་འཕེལ་རྒྱས་གཏོང་བའི་གཙོ་གནད་བྱེད་དགོས་ཞེས་ནན་གསུང་གནང་ཡོད་པས།ང་ཚོས་གཞི་རིམ་བཅོས་སྐྱོང་ཇེ་དྲག་གཏོང་བ་དང་། དམངས་འཚོ་དོན་དངོས་ཡག་མོ་སྒྲུབ་པར་བྱ་སྤྱོད་ཀྱི་མཛུབ་སྟོན་བཏོན་ཡོད། ལོ་ལྔའི་འཆར་གཞི་ཨང་བཅོ་ལྔ་པའི་སྐབས་སུ། ང་ཚོས་འདུས་ཁུལ་རྙིང་པ་ཁྱོན་ཡོངས་ནས་ལེགས་བཅོས་བྱེད་པ་དང་། མི་དམངས་ལ་ཞབས་ཞུ་སྒྲུབ་པའི་དྲྭ་བ་ཇེ་མང་བཏང་ནས་སྡོད་དམངས་ལ་མིག་མཐོང་ལག་ཟིན་གྱི་བདེ་སྐྱིད་སྐྲུན་པ་ཡིན་ཞེས་བཤད།

  ཞིན་ཅང་ཧོ་ཐེན་ས་ཁུལ་སྲིད་འཛིན་ཀུང་ཧྲུའུ་ཡི་ཆེད་བསྐོས་པ་མ་ཧོ་མུའུ་ཐི་ཝུའུ་མའེ་ཨེར་ཅང་གིས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱིས་མིའི་སེམས་ལ་སྐུལ་མ་དང་ཧུར་སེམས་ཆེན་པོ་སྐྱེད་བཅུག་ཡོད། ང་ཚོས་འཐབ་ཇུས་ངར་ཤུགས་རྒྱུན་འཁྱོངས་དང་། རྒྱལ་ངེས་ཆོད་སེམས་ཇེ་དྲག་གཏོང་བ། ཐོན་ཁུངས་ལེགས་ཆ་དང་ཐོན་ལས་ལེགས་ཆ་ལ་བརྟེན་ནས་སྐྱེ་ལྡན་སིལ་ཏོག་དང་སྔོ་ཚལ། ནུས་ཁུངས་གསར་པ། བྱེ་འགོག་བྱེ་བཅོས་དང་ཁོངས་ཡོངས་ཡུལ་སྐོར་སོགས་ཐོན་ལས་ཇེ་རྒྱས་གཏོང་བ། དཔལ་འབྱོར་འཕེལ་རྒྱས་གཏོང་བའི་དུས་མཚུངས་སུ་མི་དམངས་ཀྱི་འཚོ་བའི་སྤུས་ཀ་ཇེ་ལེགས་བཏང་ནས་ཀྲུང་གོའི་ལུགས་ཀྱི་དེང་རབས་ཅན་ཞིན་ཅང་གི་ལག་བསྟར་ལ་བྱས་རྗེས་སྟོབས་ཤུགས་འབུལ་དགོས་ཞེས་བཤད་པ་བཅས་རེད།