阿坝藏族羌族自治州藏文中学校“申创四川省二级示范性普通高中”告全民书
རྔ་བ་བོད་རིགས་ཆའང་རིགས་རང་སྐྱོང་ཁུལ་བོད་ཡིག་སློབ་
འབྲིང་“སི་ཁྲོན་ཞིང་ཆེན་རིམ་པ་གཉིས་པའི་དཔེ་སྟོན་སློབ་གྲྭ”
རུ་འཕར་བའི་བརྡ་སྦྱོར།
རྔ་བ་བོད་རིགས་ཆའང་རིགས་རང་སྐྱོང་ཁུལ་བོད་ཡིག་སློབ་གྲྭ་ནི1960ལོར་མི་རིགས་ཀྱི་སློབ་གསོ་དེད་དཔོན། རྩྭ་ཐང་གི་ཉི་མ། རྒྱལ་ཡོངས་ངལ་རྩོལ་དཔེ་སྟོན་པ། རྗེ་བཙུན་བློ་བཟང་ཉི་མ་མཆོག་གིས་གསར་དུ་བཙུགས་པ་དང་། དེ་ནི་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཞིང་ཆེན་དང་ཁུལ། རྫོང་བཅས་ཀྱི་ཏང་ཨུའི་སྲིད་གཞུང་དང་། སློབ་གསོ་གཙོ་འཛིན་སྡེ་ཁག་སོགས་ཀྱིས་ཐུགས་ཁུར་ཚད་མེད་གནང་དང་གནང་བཞིན་ཡོད་ལ། སློབ་
གྲྭས་ཐོག་མཐའ་བར་གསུམ་དུ་ཀྲུང་གོ་གུང་ཁྲན་ཏང་གི་དགོངས་དོན་གཙོ་བོ་སྟེ། སློབ་གསོ་ནི་སྤྱི་ཚོགས་རིང་ལུགས་དེང་རབས་
ཅན་འཛུགས་སྐྲུན་དང་། མི་དམངས་ལ་ཞབས་ཞུ་སྒྲུབ་པ་གཙོ་བོར་འཛིན་པ། ཐོན་སྐྱེད་ངལ་རྩོལ་དང་སྤྱི་ཚོགས་ལག་ལེན་
གཉིས་ཟུང་དུ་སྦྲེལ་ནས། བསམ་སྦྱོར་ལེགས་པའི་སློབ་མ་གསོ་
སྐྱོང་བྱ་རྒྱུ་གཙིགས་སུ་བཟུང་ཡོད། མིག་སྔར་སློབ་གྲྭའི་རྨང་
གཞིའི་སྒྲིག་ཆས་ལེགས་སྒྲིག་དང་། སློབ་གསོའི་སྐྱོན་ཆ་མང་བོ་
ཁ་གསབ་དང་བཅོས་བསྒྱུར་བྱས་པས། སློབ་གསོའི་སྤུས་ཚད་ཇེ་ལེགས་སུ་ཕྱིན་ཏེ། སློབ་ཁུལ་ཡང་གཉིས་ལ་དབྱེ་ཡོད། སློབ་གྲྭའི་རྒྱ་ཁྱོན་ལ་མུའུ200དང་། འཛུགས་སྐྲུན་གྱི་རྒྱ་ཁྱོན་ནི་སྨི་གྲུ་
བཞི་མ་ཁྲི3ལས་བརྒལ་ཡོད། སློབ་གྲྭར་དགེ་བཟོ་བ200ལྷག་ཡོད་པ་དང་། སློབ་མ2600ལྷག་ཡོད། སི་ཁྲོན་ཞིང་ཆེན་
ཐབས་ལམ་དང་བོའི་མཐོ་རྒྱུགས་ཀྱི་རྒྱུགས་འབྲས་ལས་གྲུབ་
འབྲས་བཟང་བོ་བླངས་པ་ནི་ཀུན་གྱིས་མཁྱེན་གསལ་ལྟར་ཡིན། རྔ་བ་བོད་རིགས་ཆའང་རིགས་རང་སྐྱོང་ཁུལ་བོད་ཡིག་སློབ་གྲྭ་ནི་མཐའ་འཁོབ་ས་ཁུལ་གྱི་སློབ་གྲྭ་ལས་སྔར་ལས་ཇེ་བཟང་དུ་འགྱུར་རྒྱུ་ནི་གནད་འགག་ཅིག་ཡིན་པ་དང་། དེའི་འཐུས་སྒོ་ཚང་བ། དོ་
དམ་ལེགས་པ། རྒྱུགས་འབྲས་བཟང་བའི་དེང་རབས་སློབ་གྲྭ་ཞིག་ཏུ་འགྱུར་བར་བརྩོན་བཞིན་ཡོད།
སྤྱི་ཁྱབ་ཧྲུའུ་ཅི་ཞི་ཅིང་ཕིང་གིས་སློབ་གསོའི་སྐོར་ལ་གནང་བའི་དགོངས་དོན་ལ་སློབ་སྦྱོང་མཐར་ཕྱིན་པ་དང་། མི་འགྱང་བར་སློབ་གྲྭ་ནི་རྫོང་རིམ་པ་ནས་ཆེས་ལེགས་པའི་སློབ་གྲྭ་དང་། མཛོད་དགེའི་སློབ་གསོའི་ཆུ་ཚད་ཇེ་ལེགས་སུ་བཏང་ནས། མཛོད་དགེའི་སློབ་གསོའི་ལས་དོན་ལ་སྐུལ་འདེད་བཏང་སྟེ། རྔ་བ་བོད་རིགས་
ཆའང་རིགས་རང་སྐྱོང་ཁུལ་བོད་ཡིག་སློབ་འབྲིང་ནི་སི་ཁྲོན་ཞིང་ཆེན་གྱི་རིམ་པ་གཉིས་པའི་དཔེ་སྟོན་སློབ་གྲྭར་བསྒྱུར་རྒྱུ་རེད།
རྔ་བ་བོད་རིགས་ཆའང་རིགས་རང་སྐྱོང་ཁུལ་བོད་ཡིག་སློབ་གྲྭའི་དགེ་སློབ་གཉིས་ཀྱིས་ཕུགས་བསམ་བརྩེ་བས་སྐྱོང་ཞིང་། མེས་རྒྱལ་འཛུགས་སྐྲུན་གྱི་འདུན་པ་སེམས་སུ་ཉར་ནས། མི་རིགས་སློབ་གསོའི་ལས་དོན་ལ་འབད་འབུངས་བྱས་ནས། ཁུལ་གཅིག་
དང་ས་ཁུལ་གསུམ་དང་། རྫོང་ལྔའི་འཛུགས་སྐྲུན་ལ་ཤེས་ལྡན་པ་གསོ་སྐྱོང་དང་། མཛོད་དགེའི་སྙན་གྲགས་ཇེ་རྒྱས་སུ་འགྱུར་བའི་ལྡེ་མིག་ཏུ་འགྱུར་དགོས་སོ།།
རྔ་བ་བོད་རིགས་ཆའང་རིགས་རང་སྐྱོང་ཁུལ་བོད་ཡིག་སློབ་གྲྭ།
2022ལོའི་ཟླ4ཚེས28ཉིན།
