བོད་ལྗོངས་ཀྱི་ལུས་རྩལ་པ་ཚེ་བརྟན་གཡུ་སྒྲོན་གྱིས་གངས་ཤུད་རི་འཛེག་འགྲན་སྡུར་ལས་གསེར་གྱི་རྟགས་མ་བླངས།

  ཟླ་༢པའི་ཚེས་༩ཉིན་གྱི་སྔ་དྲོར། ཨེ་ཤ་ཡའི་དགུན་ཁའི་ལུས་རྩལ་འགྲན་སྡུར་སྟེང་གངས་ཤུད་རི་འཛེག་རྣམ་གྲངས་ཀྱི་རྒྱལ་ཕམ་ཐག་གཅོད་བྱེད་པའི་འགྲན་རྒྱུགས་སྤེལ་ཞིང་། ཀྲུང་གོའི་ལུས་རྩལ་པ་ཚེ་བརྟན་གཡུ་སྒྲོན་གྱིས་བུད་མེད་ཐུང་རྒྱུག་འགྲན་སྡུར་ཁྲོད་གསེར་གྱི་རྟགས་མ་བླངས་ཡོད། ཁོ་མོས་བླངས་པའི་གསེར་གྱི་རྟགས་མ་འདི་ནི་ཨེ་ཤ་ཡའི་དགུན་ཁའི་ལུས་རྩལ་འགྲན་སྡུར་ལས་གངས་ཤུད་རི་འཛེག་རྣམ་གྲངས་ཀྱི་ལོ་རྒྱུས་སྟེང་གི་གསེར་གྱི་རྟགས་མ་ཐོག་མ་དེ་རེད། དེར་མ་ཟད་འགྲན་ཚན་འདི་ལས་ཀྲུང་གོའི་རུ་ཁག་གི་ལུས་རྩལ་པ་ཡུས་ཅིང་ཞོན་གྱིས་དངུལ་གྱི་རྟགས་མ་བླངས་པ་དང་བསོད་ནམས་ཆོས་སྒྲོན་གྱིས་ཟངས་ཀྱི་རྟགས་མ་བླངས་ཡོད།  ཁོང་ཚོར་རྟེན་འབྲེལ་ཞུ།