ལྷོ་ཁོ་རེ་ཡའི་རྩོམ་པ་པོ་ཧན་ཁཱང་ལ་ནོ་བྷེལ་རྩོམ་རིག་བྱ་དགའ་ཐོབ།

  ༢༠༢༤ལོའི་ཟླ༡༠ཚེས༡༠ཉིན་གྱི་པེ་ཅིན་ཆུ་ཚོད༡༩སྟེང་སུའེ་ཏེན་སློབ་གླིང་གིས༢༠༢༤ལོའི་ནོར་བྷེལ་རྩོམ་རིག་བྱ་དགའ་དེ་ལྷོ་ཁོ་རེ་ཡའི་རྩོམ་པ་པོ་ཧན་ཅང（Han Kang韩江）ལ་ཐོབ་པ་ཁྱབ་བསྒྲགས་བྱས་ཡོད།

  མོས་ལོ་རྒྱུས་ཀྱི་རྨ་ཁར་ཐད་ཀར་གདོང་གཏད་ཅིང་། མིའི་རིགས་ཀྱི་ཚེ་སྲོག་གི་ཉམ་ཆུང་མངོན་པར་མཚོན་པའི་ཛ་དྲག་ལྡན་ཞིང་སྙན་ངག་གི་ཉམས་དོད་པའི་ལྷུག་རྩོམ་ལ་གཟེངས་བསྟོད་གནང་བ་ཞེས་བསྒྲགས་འདུག

  ཧན་ཅང་། ལྷོ་ཁོ་རེ་ཡའི་རྩོམ་པ་པོ་གྲགས་ཅན། ༡༩༧༠ལོར་ལྷོ་ཁོ་རེ་ཡའི་ཀོང་ཀྲུའུ་རུ་སྐྱེས། སྔ་ཕྱིར་སྤྱི་ལོ༢༠༡༦ལོ་དང་སྤྱི་ལོ༢༠༡༨ལོར་སྒྲུང་ཐུང༼དཀར་ཟས་རིང་ལུགས་པ༽དང༼དཀར་པོ༽ཞེས་པར་བརྟེན་ནས་པུ་ཁེ་རྒྱལ་སྤྱིའི་རྩོམ་རིག་བྱ་དགའ་ཐེངས་གཉིས་ལ་བླངས་པས། བྱ་དགའ་དེ་ཐོབ་མཁན་གྱི་ཨེ་ཤ་ཡ་གླིང་གི་རྩོམ་པ་པོ་ཐོག་མར་གྱུར། གཞན་སྒྲུང་ཐུང༼གཞོན་ནུ་སླེབས་བྱུང༽ཞེས་པ་ཡང་རྒྱལ་སྤྱིའིIMPACཏུའུ་པོ་ལིན་རྩོམ་རིག་བྱ་དགའི་རྟིང་རྩོད་འོས་མིང་དུ་ཚུད། ༢༠༢༣ལོར་སྒྲུང་ཐུང་གསར་པ༼གྱེས་ཕྱག་མི་འཇོག༽ཅེས་པར་ཧྥ་རན་སིའི་མེ་ཏི་ཞི་སི་ཕྱིའི་རྒྱལ་ཁབ་ཀྱི་སྒྲུང་ཐུང་བྱ་དགའ་ཐོབ་པ་དང་། ༢༠༢༤ལོའི་ནོར་བྷེལ་རྩོམ་རིག་བྱ་དགའ་ཐོབ།